Diyarname

Ege Agri Kultur Federasyonu (Federasyona Çandî ya Agirî ya Egeyê) nêzî du salan e li Îzmîrê xebatên xwe didomîne. Federasyonê ji bo bîranîna dengbêj Şakiro çalakî li dar xistin.

Serokê Federasyonê Erdal Alaca û rêveberên federasyonê pêşî çûn ser gora Şakiro, ew bibîr anîn û paşê li Bornovayê li Navenda Çandê ya Ataturk a Altindagê panelek li dar xistin, dûre jî dengbêjan klamên xwe gotin.
Pêşkêşvaniya çalakiyê endamê federsayonê Mehmet Aslan kir. Pêşî hunermendê ciwan Adar derket ser dikê çend stran gotin. Dûre Serokê Federasyonê Erdal Alaca li ser dengbêj Şakiro û dengbêjî axivî. Alaca got ku jiyan û berhemên Şakiro dîrokan kurdan a tije têkoşîn nîşan dide û got, “Şakiro yek ji nûnerên herî girîng ê kevneşopiya dengbêjiyê ye. Wî bi klamên xwe, kêf, hêvî û berxwadana gelê xwe aniye ziman.”

Alaca got ew dê îşev guh bidin klam û çîrokên Şakiro û wiha dom kir, “Emê dengbêjên ciwan ku dê mîrateya Şakiro bişopînin jî bikin mêvan. Em li ser girîngiya têkoşîn, huner û mîrateya Şakiro disekinin ku vê bigihînin nifşê nû. Di vê şeva bibîranîna Şakiro ed ez wî bi hurmet bibîr tînim û ji bo bigihîje nifşên nû emê xebatên xwe bidomînin.”

Dûre bi beşdariya nivîskar û perwerdekar Mustafa Borak û Abdurrahman Bedir bi moderatoriya Îhsan Bîrgul panelek li dar ket. Her du axifgeran li ser dengbêj Şakiro û çanda dengbêjî ya kurdan dîtinên xwe ji bo mêvanan anîn ziman.

Şeva bibîranînê bi klamên dengbêj Nîhat Agirî, dengbêj Milazim Aladag û dengbêj Harun Kaya bi  dawî bû.

Berî dawîkira şevê federasyonê plaketa sipasiyê da dengbêj û nivîskarên beşdar.

 ***

Nûçeya Eleqedar:

- Qamişlo, Şakiro hat bibîranîn

***

HESABÊN DIYARNAMEYÊ:
PODCAST: podcasters.spotify.com/pod/show/diyarname
YOUTUBE: www.youtube.com/diyarnamediyarname 
MALPER: www.diyarname.com
TWITTER: twitter.com/diyarname1
FACEBOOK: facebook.com/diyarname
INSTAGRAM: instagram.com/diyarname1
MAIL: diyarname@diyarname.com