REQA
Piştî 15 salan, ev cara yekê ye tûrnûvaya hespbeziyê li Reqayê li dar dikeve. Tê de 206 siwar û hespên Herêma Bakur û Rojhilatê Sûriyeyê beşdar bûn. Di hespbeziyê de siwarên Reqa û Dêrazor bi ser ketin.
Di turnuvayê de serokeşîr û rûspiyên eşîran, Meclisa Rêveber a kantonê, Yekîtiya Werzîşê, Desteya Ciwanan, Werzîşê û şênî amade bûn.
Siwar ji bo hezar û 200 metre ketin pêşbaziyê. Di vê pêşbaziyê de siwarê bi navê Hemam El Dêf ê ji Reqayê bû şampiyon û siwarê bi navê Ehmed El Ewad jî bû duyemîn.  
Di beza hezar metreyî de, dîsa siwarên Reqayê bi ser ketin. Siwarê bi navê Seyf El Elî yê yekemîn û siwarê bi navê Şaman El Mecûl jî yê duyemîn bû.
Di pêşbaziya hezar û 500 metreyan de siwara bi navê Hediye Ehmed a ji Dêrazorê bû yekemîn û Ebûd El Merindî bû duyemîn.
Di pêşbaziya hezar û 800 metreyî de siwarê bi navê Nehir El Hefel ê ji Dêrazorê bû yekemîn û siwarê ji Reqayê Fexir El Şaman bû duyemîn.
Di pêşbaziya herî dirêj a 2 hezar û 200 metreyan de jî Humam El Sultan ê ji Reqayê bû yekemîn û Hemîd El Muxlif ê ji Dêrazorê jî bû duyemîn.
Di pêşbaziyên zêdekirî de li gorî rêzê Sekib El Îdan, Baran Kobanê, Mihemed El Elî, Ehmed El Fehid, Cirnas El Hadî û Şedad El Hiwêce bi ser ketin.
Di dawiya turnuvayê de siwarên serkeftî hatin xelatkirin.
ANHA