Diyarname
Pirtûka nivîskarê me Çorê Arda "Rexne û Rexnegirî II" ji Weşanên Belkî derket.
Nivîskar Çorê Arda di sala 2021'ê de pirtûka xwe "Rexne û Rexnegirî" derxistibû. Niha wekî berdewama wê, pirtûka diduyan bi navê "Rexne û Rexnegirî II, Atatomiya Psîkalîzma Rexneyê" pirtûka xwe ya nû peşkeş kir.
Di pêşkêşiya pirtûkê de wisa hatiye gotin, "Mijarên wêjeya kurdî piraniya wan behsa mêtingeriyê û desthilatdariyê dikin. Her wiha mijarên takesîn jî hene, lê belê babeta mêtingeriyê serdestiyê li metnên kurdî dikin. Berhemên biyografîk kêm in. Di Berhemên kurdî de pêşketineke vebêjiyê heye, teknîkên vebêjiyê bi kar tînin, lê haya nivîskaran ji van teknîkên vebêjiyê heye em nizanin. Her wiha di berhemên kurdî de, babetên psîkolojiyê, çanda folklorîk, ceribînên modern û epîzm jî hene. Lê di berhemên kurdî de xwe-bûna kurdî kêm e. Tiştên ku behs dikim karakterên bêhna kurdî jê tên kêm in. Karakterên bi dengê xwe, bi awirên xwe, bi cil û bergên xwe, bi xwarin û vexwarina xwe, bi pakiya xwe, bi zimanê xwe, bi tevgerên xwe û bi hemû ruhê xwe karakterên xaskurd kêm in."
Di pirtûka li ber dest de bi vî awayî li gelek mijaran hatiye nêrin, nirxandin li ser wan hatiye kirin û ew di 420 rûpelan de peşkeş kiriye.
Çorê ARDA kî ye?
Çorê Arda di sala 1979'an de li Heramya taxa Dêrika Çiyayê Mazî ya Mêrdinê hatiye dinê. Dibistana seretayî û navîn û lîse li Dêrikê xwendiye. Wî Zanîngela Dîcleyê beşa wênesaziyê qedandiye. Ew niha li Dêrikê mamostetî dike. Heta niha gelek nivîs û çîrokên wî di kovarên wekî Çirûsk, Heterotopîa, Felsefevan, Axa Sor, Dilopê de derketine. Arda ji destpêka 2019'an ve di Diyarnameyê de qunciknivîskarî dike.
Pirtûkên wî:
- 496, Weşanên Belkî, 2016, Roman
- Roman, Weşanên Belkî, 2017, Roman
- Rexne û Rexnegirî, Weşanên Belkî, 2021, Teorî
- Mêşo, Weşanên Payîz, 2021, Çîrok
- Rexne û Rexnegirî II, 2024, Rexne

- Rexne û Rexnegirî II / Çorê Arda / Weşanên Belkî- 2024/ 420 rûpel / Rexne