Diyarname
Serkewteyê Xelatanê Musa Anter û Şehîdê Çapemeniya Azad eşkera bî. Rocê 22'yê aşme saete 18.30 de go Cemil Canaş Kultur Merkezi ay Şişliya Stenbolî de xelatî bêrê vilakerdişî.
Hetê xeberanê kurdî de ajansê ANHA ra Silava Ebdulrehman Mihemed Emîn bi xeberey xwu “Çîrokek sûdwergir a ziman û têkoşîna azadiyê” Xelata Taybete ay Jurî girote.
Hetê xebera tirkî de 124 ra Cengiz Anil Bolukbaş bi xeberey xwu “Îlîç’te gocuge giden yol: Siyanur sizdirdi, ruhsati iptal edilmedi, vergi borcu silindi, kârlarini katladi” bi yewîn. Îlîçê Erzînganî de maden teqiya bî, xebere sernê ene yewî de bî, ke çawey îhmalî hamey kerdişî.
Hetê "Vîdeo Xebere" de yewîn nêveciya la jurî Xelata Taybete ay Jurî da Dilan Babat ke vîdeo weçînayişê adarê 2024'inan de Şirnex de vîdeo ant bî û kurdêke tede  eskeran ra vano "Xeberî bide, ti çi ya ra yê?"
Hetê fotografî de jurî xelate da fotofrafê Mujdat Can î. Canî di veyşiyayişê 20'ê hezîranê 2024'inan ê miyanê Çinar û Şemrexî de ant bî, tede bizî veyşay bî.
Hetê Xebara Pîrekan ay Gurbeteli Ersozî de jurî xelate da rêzexeberey Rahime Karvar ke serê pîrekatê karkeranê çandinî de viraşte bî.
Hetê karîkatur de yewîn çinê bî, la jurî xelata mansiyonî da karîkaturê Halil Îbrahîm Çobanî.
XELATA RÛMETE
Her sere Xelata Rûmete danê, em sar qeybî vîranînê di rojnamegerî Hero Bahadin û Gulistan Tara hamî dayişî. Wirdî ronamegerî Başûr de bi SÎHA'ya Tirkiye hameybî kiştişî.
Reyna Xelata Rûmete go bidê rojnameger Pexşan Ezîzî ke Îranî cezay îdamî dawo ay.