Diyarname
“Gabor” navê romana Seyid Qadir Hîdayetî ye ku niha ji Weşanên Pallê derket. Pirtûka ku di sala 2015’an de li  Rojhilat hatibû weşandin niha
ji aliyê Armîn Temerzade ve ji bo kurmancî hat amadekirin û pirtûk hat çapkirin.
Seyid Qadir Hîdayetî ji bajarê Bokanê ye û di sala 1976’an de hatiye dinê. Heta niha hin pirtûkên wî derketine ku Gabor jî yek ji wan e. Ev roman di  2015’an de derketiye û ji wê demê heta niha şeş çapên wê derketine. Niha ew li Bakur bi kurmancî li ber destên xwendevanan e.
Roman bi ser çîroka du hevalên hev, Kerîm û Evdilmitelib re dimeşe.
Haşîm Ahmedzade li ser “Gabor”ê wisa gotiye, “Xwînerên Gaborê nikarin bi hebûna qelemeke wiha bihêz di edebiyata kurdî de neheyirin û spasiya nivîserê wê nekin ji bo dahênaneke wiha bedew û wiha pêwîst.”
Seyid Qadir Hîdayetî kî ye?
Nivîskar Seyid Qadir Hîdayetî di sala 1976’an de li bajarê Bokanê hatiye dinê. Wî piştî xwendina xwe temam kiriye, dest bi mamostatiyê kiriye. Seyid Qadir Hîdayetî li Bokanê dijî û heta niha çendîn pirtûkên wî di warê roman, gotar û wergêrê de hatine weşandin: Dengî Nuxte (novel, 2003), Toqî Ezazîl (roman, 2012), Gabor (roman, 2015), Berdêk le Berdêk (gotar, 2019), Nesrî Kurdî û Goranî Form (rexne-lêkolîn, 2019), Goreşar (roman, 2020), Heqîqet û Piyawî Zana (wergêran, 2021), Berdîne (roman, 2022).

- Gabor / Seyid Qadir Hîdayetî / Weşanên Pall / Roman / 2024 / 184 rûpel