Diyarname
Qedexeya li ser pirtûkên bi kurdî didome. Îro polîs hatin Weşanxaneya Aramê û lîsteya pirtûk û kovarên ku hatine qedexe kirin da weşanxaneyê.
Çendek berê polîsan bi ser Payîz Pirtûkê de girtibûn û dest danîbûn ser hin pirtûkan. Di Fûara Pirtûkan a Amedê de jî polîs çend caran çûn standa Weşanên Aramê û dest danî ser pirtûkên wan. Di dema destdanînê de nîqaş di navbera xebatkarên Aramê, weşanger û polîsan de derket. Û îro polîsan lîsteyeke dirêj a pirtûk û kovarên hatine qedexekirin anî da weşanxaneyê û ji wan xwest ev pirtûk neyên firotin û belavkirin.
Di lîsteya bi navê "Lîsteya weşanên bi biryara dadgehê hatine deqexekirin" de bi temamî 65 pirtûk û kovar hene.
Di nav lîsteyê de weşanên kurdî yên wekî weşanên Aram, Aryen, Avesta, Belkî, Do, Doz, J&J Perî, Weqfa Îsmaîl Beşîkçî hene. Dîsa weşanxaneyên bi tirkî weşanê dikin wekî Umut Yayinlari, Ceren Kultur Yayinlari, Ceylan Matbaa, Ayrinti Yayinlari jî hene. Di nav lîsteyê de herî zêde pirtûkên Weşanên Aramê hene ku hatine qedexekirin. Hejmara pirtûkên Aramê yên hatine qedexekirin 21 e.
Li gor agahiya YEWKURD'ê (Yekîtiya Weşangerên Kurd) da me ewê li ser vê yekê daxuyaniyeke belav bikin.

Not: Lîsteya qedexeyê li ber destên me ye, lê bi taybetî me nexwest navên pirtûkan li vir belav bikin.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

***

Hin nûçe-nivîsên eleqedar:

- Weşangeran destdanîna ser pirtûkan şermezar kir

- Li Fûara Amedê dest danîn ser pirtûkek din jî

- Seta pirtûkên di Pêşbaziya Arjen Arî de bi ser ketin çap bû

- Polîsan dest danî ser 3 pirtûkan

- Ji Fûara Amedê çend nîşe

- Fûara Pirtûkan a Amedê dest pê kir

- Va ne hemû çalakiyên weşanxaneyên kurdan (Fûara Amedê)

- Ka “şîva miriyên vê fûarê!”

- Nêzî 30 weşanxaneyên kurdan ên dê herin Fûarê Pirtûkan a Amedê diyar bûn

- Dîroka Fûara Pirtûkan a Amedê diyar bû