Diyarname
Cîgirê Serokwezîrê Herêma Kurdistanê Qubad Talebanî di daxuyaniya çapemeniya ya li Silêmaniyê dayî de ragihand ku PDK û YNK dê bi lîsteyên cuda beşdarî hilbijartinên giştî yên Iraqê bibin.

Qubad Talebanî got: “Me biryar da ku em di bin yek lîsteyê de nebin yek. Li şûna wê, her partiyek dê bi lîsteya xwe beşdarî hilbijartinê bibe.”

Her wiha Talebanî diyar kir ku hevdîtinên ku demek dirêj e ji bo avakirina hikumeta nû ya Herêma Kurdistanê tên lidarxistin, berdewam in. Qubad Talebanî da zanîn ku di nav vê heftiyê de wê hevdîtinek nû di navbera PDK û YNK’ê de were lidarxistin.

Li aliyê din di demek ku partiyên muxalefetê yên kurd ji bo lîsteyek yekgirtî danûstandinan dikin de, Tevgera Helwest ragihand ku xwe ji hevpeymaniyê vekişandiye. Di nav komên ku di hilbijartinan de yekgirtinê dixwazin de, partiyên wekî Nifşê Nû, Yekgirtû, Komele û Eniya Gel cih digirin.

Hilbijartina Parlemena Iraqê îsal wê roja 11'ê sermawezê li dar bikeve.