Diyarname
16 baroyên bajarên kurdan li ser cezaya ji ber kurdî dabûn Amedê daxuyanî dan. Rêveberê Amedsporê jî biryara fermî ya TFF'ê (Federasyona Fûtbolê ya Tirkiyeyê) ku berê kurdî qebûl kiriye nişan da. Va ye agahî:
- Ji ber diruşma bi kurdî ya sponsorê Amedsporê TEZGEL ku li ser formaya Amedsporê bû ceza li Amedsporê birin.

AMEDSPOR: TFF'Ê GOTIBÛ TU ASTENGÎ TUNE YE
Amedsporê li ser cezayê daxuyaniya nivîskî belav kir û got, "Roja 12.09.2025'an TFF'ê nivîsa fermî şandiye ji bo klûba me û gotiye bikaranîna 'TEZGEL KOM Koma me boma me' ji bo sala 2025-2026'an tu pirsgirêk nîn e. Li ser vê erêkirinê roja 14.09.2025'an me di maça Pendiksporê de ev forma li xwe kiriye û tu pirsgirêk derneketiye. Lê di maça ligel Sakarya de nûnerê TFF'ê vê carê gotiğe bi gotina 'koma me boma we' hûn nikarin derkevin sehayê, formay bê sponsor li xwe bikin'. Ligel ku me erêkirina nivîskî ya federasyonê nişan daye, ligel ku di maça Pendîksporê de em bi heman formayê derketine sehayê jî, tenê 'fermana bi telefonê' n^şian dane û ceza li klûbê birine."
Amedsporê di daxuyaniyê de gotiğe mesele kurdî ye, dema bi tirkî, îngilîzî bi zimanên din astengî bo reklamê dernaxin lê ji bo kurdî ev qedexe dertê ku ev yek ne li gor rihê sporê ye, kirineke cudakariyê ye.
Amedsporê gotiye ew vê kirina neheq û bêhiqûqî qebûl nakin.

PARÊZER: ME DAXWAZNAMEYA NIVÎSKÎ DABÛ TFF'Ê
- Rêveberê Amedsporê parêzer Mehmet Demîr bi ser hesabê xwe re wisa nivîsî, "Berî maça Sakaryasporê ji bo erêkirinê me daxwaza nivîskî pêşkêşî federasyonê kir. Ez bi xwe li wir bûm. Nûnerê federasyonê daxwaza me ya bi nivîskî tune hesibandiye, sedeme 'fermana bi telefonê hatiye dayîn' nişan daye. Em rastî kirineke derveyî hiqûqî,, kêfî û cudakar hatin. Lê li hemberî tu bêhiqûqî me serî tenewandiye; bi daxwaza nivîskî em bi gotina bi kurdî ya sponsorê me derketin sehayê. Zimanê me rûmeta me ye!"

16 BAROYAN DAXUYANÎ DA
Bajarên bajarên kurdan ên wekî Amed, Agirî, Batman, Colemêrg, Çewlîg, Bedlîs, Dêrsim, Îdir, Qers, Mêrdîn, Mûş, Semsûr, Sêrt, Riha, Şirnex û Wanê li ser meseleyê daxuyaniyeke nivîskî belav kirin û got, "Bi vê cezayê zimanê bi mîlyonan kurdan hedef hatiye girtin."
Baroyan got, "Ev biryar ne tenê cezaya li klûbeke, zimanê bi mîlyonan hemwelatiyên kurd ji xwe re dike hedef ku ev yek jî dijî rêgeza hemwelatiye wekhev e. Her ziman nasnameyê gelekî ye, her zimanê zikmakî pîroz e. Hewlestên qedexekar û cezabir ên dijî zimanên zikmakî aştiya civakî xira dikin, vîna bi hev re jiyîn û wekheviyê birîndar dikin." 
 

**

Nûçeya Eleqedar:

- DEM Partî cezaya Amedsporê bi paş ve vekişînin

- Amedsporê kurdî xist nav lîsteya TFF'ê jî