Diyarname
Komîteya Amadekar a Newrozê ya Rojava li ber Navenda Çanda Mihemed Şêxo ya li Qamişloyê daxuyanî da çapemeniyê. Komîteyê ragihand ku li 7 bajaran di heman demê de wê Newroz bê pîrozkirin. Diruşma Newroza îsal jî wekî “Bi rihê yekîtiya neteweyî em ê agirê Newrozê geş bikin” hat diyarkirin.

Endamê Komîteya Amadekar a Newrozê Keder Hisên bi zimanê kurdî endama Meclisa Kongra Star Rîhan Temo bi zimanê erebî daxuyanî xwend.

Di daxuyaniyê de hat gotin ku îro agirê Newrozê li Bakur, Başûr, Rojhilat û Rojava tê vêxistin û wiha dom kir, "Ev berdewamiya mîrateya berxwedanê ya dîrokî ye. Gelê kurd di dirêjahiya dîrokê de, tevî siyaseta înkar, zordarî û tunekirinê karîbû ziman, çand û nasnameya xwe biparêze. Bi saya rihê berxwedanê kurd îro jî têkoşîna xwe ya ji bo azadî, demokrasî û jiyaneke bi rûmet didomînin, agirê Newrozê jî sembola vê îrade û biryarê ye. "

Hat gotin ku agirê Newrozê ku li Rojava bilind dibe, di heman demê de agirê daxwaza yekîtiya neteweyî ya gelê kurd e û wipa hat gotin, "Pîrozbahî dê li 7 navendan di bin diruşma 'Bi rihê yekîtiya neteweyî em ê agirê Newrozê geş bikin' were pîrozkirin. Li hemû cihan saet 11.00'an de wê pîrozbahiya Newrozê dest pê bike."

Komîteyê Newroz li tevahî gelên herêmê pîroz kir û li wê derê  agirê Newrozê vêxist. Malbatên şehîdan agirê Newrozê vêxistin û bi vî awayî starta Newroza îsal dan.

Li Rojava Newroz li van deran dê bê pîrozkirin:

- DÊRIK
Cih: Qada Şehîd Çîçek

- GIRKÊ LEGÊ
Cih: Hilêq

- TIRBESPIYÊ
Cih: Dirêjîk

- QAMIŞLO
Cih: Hîmo

- AMÛDÊ
Cih: Çaxir Bazar

- DIRBÊSIYÊ Û TIL TEMIR
Cih: Çolbistan

- HESEKÊ
Cih: Sed

***
Nûçeyên Eleqedar:

- Fotoyê rojê: Sûrên Amedê ronî bûn

- Fotoyê rojê ev e: Ji bo Newrozê û meş û meşale

- Hunermendên wê li Newrozê derkevin ser dikê diyar bûn

- Deklerasyon: Kirmanşa, Hewlêr, Qamişlo û Amed yek e

- Komên di Newroza Amed, Wan û Stenbolê de li ser dikê bin diyar bûn
- Va ye bajar bi bajar bername û diruşma Newroza îsal