Diyarname
98'emîn Xelatên Oscarê bi merasimek hatin belavkirin. Fîlmê "One Battle After Another" mohra xwe li şevê da.

'ŞER LI DÛ ŞER' 6 XELAT GIRTIN
Fîlmê Paul Thomas Anderson ê bi navê ""One Battle After Another" di 13 waran de bûbû berendam. Xelata Fîlmê Herî Serketî, Derhênerê Herî Serketî, Senaryoya Lêanînê ya Herî Serketî jî di nav de di 6 waran de xelat girt û mohra xwe li şevê da.
Derhêner Anderson berê di sala 2008 bi “There Will Be Blood”, di sala 2018'an de bi "Phantom Thread" û di sala 2022'yan de bi “Licorice Pizza” bûbû berendam, lê cara yekê ye Oscarê digire. Di dema xelatgirtinê de got, "Ji bo mirov vê xelatê bigire hûn mirovan gelek diewiqînin. Ez sipasdarê we me."
Anderson ji bo reqîbên wî yên di beşa Derhênerê Herî Serketî de got, "Chloe, Dyan, Joachim û Josh, rûmetek mezin e mirov di nav we de be."
Fîlmê Anderson "One Battle After Another" di xelatên Globa Zêrîn, BAFTA de jî bi ser ketibû.

Lîstikvan Michael B. Jordan ê 39 salî Xelata Lîstikvanê Herî Serketî girt.

SINNERS'Ê JÎ XELATÊN BAŞ GIRTIN
Fîlmê derhêner Ryan Coogler "Sinners" di 16 waran de bûbû berendam. Lîstikvanê sereke Michael B. Jordan Xelata Lîstikvanê Herî Serketî girt. Bi vê yekê bû cara 6'an yekî reşik Xelata Oscarê di vî warî de digire.

Lîstikvan Jordan bi navê Smoke û Stack rola du cêwiyan dilîze. Jordan ê 39 salî piştî xelatgirtinê got, "Ji ber yên berî min hatine vê derê, ez li vê derê me" û sipasiya Sidney Poitier, Denzel Washington, Jamie Foxx, Forest Whitaker û Will Smith kir. Her wiha wî lîstikvan Halle Berry ku wekî lîstikvana yekem bû ev xelat girtibû jî ji bîr nekir û bibîr anî.

Lîstikvan Jessie Buckley xelata Lîstikvana Herî Serketî girt ku bi vê yekê dibe cara yekê lîstikvaneke îrlandî di beşa Lîstikvana Herî Serketî de vê xelatê digire û kete nava dîrokê. Buckley di serdema xelatan de hemû xelat, 5 xelatên sereke di vê serdemê de girtin û bi vê serketina xwe ya mezin nîşan da.
Jessie Buckley di axaftina we de got, "Ez dixwazim vê xelatê ji bo kaosa bedew a dilê dayikê veqetînim. Em... em hemû ji rêzek jinên ku li hember hemû astengiyan berdewam diafirînin tên. Ji bo we ez hêjayî xelatê dîtine sipas dikim. Ev ji bo min rûmeta mezin e. Bi rastî ez gelek şaşwaz im."
Buckley sipasiya malbata xwe jî kir û bangî mêrê xwe kir, "Ez ji te hez dikim Fred. Tu bavekî mikemel î, hevalê min ê herî baş î. Ez dikarim ligel te 20 hezar heb zarokan bînim dinyayê. Ez dikarim..."

Jessie Buckley xelata Lîstikvana Herî Serketî girt.

Va ne hemû xelatên hatine belavkirin:
- Fîlmê Herî Serketî: One Battle After Another
- Derhênerê Herî Serketî: Paul Thomas Anderson
- Fîlmê Navneteweyî yê Serketî: Sentimental Value
- Lîstikvanê Herî Serketî: Michael B. Jordan (bi rola di Sinners de)
- Lîstikvana Herî Serketî: Jessie Buckley (Bi rola di Hamnetê de)
- Lîstikvana Duyemîn a Herî Serketî: Amy Madigan (Bi rola di Weaponsê de)
- Lîstikvanê Duyemîn ê Herî Serketî: Sean Penn (bi rola di One Battle After Another de)
- Kadroya Herî Serketî: One Battle After Another
- Sînematografiya Herî Serketî: Sinners
- Senaryoya Orjînal a Herî Serketî: Sinners
- Senaryoya Lêanînê ya Herî Serketî: One Battle After Another
- Vesazkirina Herî Serketî: One Battle After Another
- Efekta Herî Serketî: Avatar Fire&Ash
- Sazkirina Por-Makyajê ya Herî Serketî: Frankestein
- Kincên Herî Serketî: Frankestein
- Sazkirina Deng a Herî Serketî: F1
- Muzîka Xweser a Herî Serketî: Sinners
- Strana Orjînal a Herî Serketî: Golden / KPop Demon Hunters
- Kurtefîlmê Aksiyona Zindî ya Herî Serketî: The Singers, Two People Axchanging Saliva
- Belgefîlmê Herî Serketî: Mr. Nobody Against Putin
- Kurtebelgefîlmê Herî Serketî: All The Empty Rooms
- Anîmasyonê Herî Serketî: KPop Deman Hunters
- Kurteanîmasyonê Herî Serketî: The Girl Who Cried Pearls