Diyarname
Heyetek ji Rêveberiya Xweser, Meclisa Sûriyeya Demokratîk û PYD'ê pêk dihat li Şamê çû ser gora Celadet Alî Bedirxan û endamên din ên malbata Bedirxan.
Ji bo Roja Zimanê Kurdî heyet çû serdana goristanê. Di nav heyetê de endamê Komeleya Osman Sebrî Ebdulhadî Mihemed Remedan, Hevseroka Daîreya Têkiliyên Derve ya Rêveberiya Xweser Îlham Ehmed û Hevserokê PYD'ê Xerîb Hiso hebûn ku wan kulîlk danîn ser gora Bedirxanan.
Heyet çû goristana Şêx Xalid a li taxa Ruknedîn a Şama Sûriyeyê. Li goristanê gora ku heyet çû ber têde gora Mîr Bedirxanê Ezîzî, Mîrê Cizîra Botan (1802-1868), Mîr Celadet Alî Bedirxan (1893-1951), Rewşen Bedirxan (1909 - 1992) hebûn.
Hevseroka Daîreya Têkiliyên Derve ya Rêveberiya Xweser Îlham Ehmed li ser gorê axivî û got, "Bi boneya Roja Zimanê Kurdî em hemû kesên dîroknas û zimannas ên ku keda wan di pêşxistina zimanê kurdî de hebû bi bîr tînin. Em îro dibînim ku zimanê kurdî ew qas bi çend zaravayan bi pêş ketiye, hem nivîsandin hem xwendin bi keda van kesayetan bû."
Îlham anî ziman ku: "Yê ku kevirê yekemîn ê zimanê Kurdî danî, kovar belav kir, nivîsand û weşand Celadet Elî Bedirxan bû. Celadet bi rêya nivîsandin, weşandin û derxistina kovarê zimanê kurdî bi pêş xist. Hebûna civakan, hebûna gelan bi hebûna ziman e. Di dîroka kurdan de ji bo tunekirina zimanê kurdî û dîroka wan siyasetên pişaftinê pir bi taybet hatine meşandin. Lê van kesayetan ked dan, xeterî dan ber çavên xwe, rê li ber qirkirina zimanê kurdî û çanda ew qas dûdirêj girtin. Îro em encamê dibînin ku dibistanên bi zimanê dayikê li rojavayê Kurdistanê û parçeyên din ên Kurdistanê û li derveyî welat zimanê kurdî tê xwendin û bi pêş ketiye."
'HETA MAFÊ KURDÎ DESTÛRÊ DE MÎSOGER BIBI TÊKOŞÎN'
Ehmed wisa gotinên xwe temam kirin, "Em van kesan û xebatkarên fêrkirin û perwerdekirina zimanê kurdî silav dikin û dibêjim mil bi mil em têkoşîn bikin heta ku mafê zimanê kurdî di destûrê de mîsoger dibe. Em di Sûriyeyê de têkoşînek taybet ji bo zimanê kurdî didin meşandin û xeta me ya bingehîn e û em ê heta serkeftinê dewam bikin."
'EM DIXWAZIN KURDÎ JÎ LIGEL ZIMANÊ DIN BIBE FERMÎ'
Hevserokê PYD'ê Xerîb Huso jî di axaftina xwe de li ser xebata albafeya latînî ya Celadet, kovara Pawarê, girîngiya kurdî sekinî û wekî daxwaz got, "Tiştê ku em dixwazin zimanê kurdî li herêmê li kêleka zimanê erebî, li kêleka zimanê tirkî û zimanê farisî ku çawa ew fermî ne, zimanê kurdî jî bibe fermî."
****
Çarçoveya CEJNA ZIMANÊ KURDÎ de, hin nûçeyên eleqedar:
- ‘Şeva Çîrok' û 'Şeva Helbestan’ li dar dikeve
- KURDÎGEH'ê ji bo Cejna Ziman kon danîn; 6 rojan dê kon vekirî bin
- MED-DER eyro şî dewanê Licey û Karazî
- Li Xaçortê ji bo 15'ê Gulanê şahî
- Li Amedê hefteyek çalakî ji bo Roja Ziman
- Ji Şaredariya Amedê çalakiyên ji bo Cejna Ziman
- Saziyan qeybî 15'ê Gulanî bi kirmanckî deklerasyon wend: Kurdî hebûney ma wa
- Sazî Ziwanî qeybî Roşanê Ziwanî deklerasyon eşkera kenê