Diyarname
Piştî Wezareta Sûriyeyê li ser Zanîngeha Rojava û Zanîngeha Kobanî biryarên nû girtin, îro xwendekarên her du zanîngehan jî cuda cuda daxuyanî dan çapemeniyê. Wan ev biryar red kir.

ZANÎNGEHA KOBANÎ
Li hember biryara dawî ya Wezareta Xwendina Bilind a Sûriyeyê ku gelek fakulte ji Zanîngeha Kobanî hatine kêmkirin, xwendekaran daxuyanî da.
Daxuyanî bi zimanê kurdî ji aliyê xwendekarê Beşa Ziman û Wêjeya Kurdî Beşar Şehîn û bi zimanê erebî jî ji aliyê xwendekar Hîva Bozan ve hat xwendin.
Xwendekarna biryara wezaretê red kirin û dan zanîn ku divê entegrebûn ne li ser hesabê mafên xwendekaran be.
Wan di 9 xalan de fikrên xwe yên li ser meseleyê anîn ziman û gotin, "Em bang li saziyên peywendîdar dikin ku bi nûnerên xwendekaran re diyalogeke cidî û berpirsiyar bidin destpêkirin, biryar û tedbîrên ku bandorê li pêşeroja wan dikin ji nû ve binirxînin û çareseriyên dadmend û zelal bibînin, ku mafên xwendekaran biparêzin û bersiva daxwazên wan bidin."

ZANÎNGEHA ROJAVA
Yekîtiya Xwendekarên Welatparêz, ji bo redkirina biryara Wezareta Perwerdeya Bilind û Lêkolînên Zanistî yê hikumeta veguhêz a Sûriyeyê ya têkildarî Zanîngeha Rojava û Zanîngeha Kobanî li Zanîngeha Rojava ya li Qamişloyê daxuyanî dan.
Daxuyanî bi zimanê kurdî ji hêla xwendekar Ronya Luqman Heyder û bi zimanê erebî ji aliyê Sîmav Dirêî Mihemed ve hat xwendin.
Wan got, "Em biryarê red dikin. Divê entegrebûn ne li ser hesabê mafên xwendekaran pêk were, siberoja zanîngehan bi biryarên îdarî nayê destnîşankirin, divê saziyên akademîk xwedî serxwebûn bin."

***
Nûçeya Eleqedar:
- Der barê Zanîngeha Rojava û Zanîngeha Kobanî de biryarên nû