Diyarname
Xebera qedexeya dawî ya li ser kurdî ji Dêrima Mêrdînê hat. Qeymemiya Dêrikê navên bi kurdî yên wekî Qedrîcan, Reşîdê Kurdî û Mizgîn qedexe kir.

Şaredariya Dêrikê ya BDP'yî par dest bi çêkirina Navenda Çandê ya Qedrîcan, Salona Civînê ya û Parka Mizgînê kiribû û di 20'ê kewçêra 2012'yan de bi beşdariya Hevseroka BDP'ê Gultan Kişanak ev der hatibûn vekirin. Lê Qeymeqamiya Dêrikê ji ber navên wan ên bi kurdî mohra xwe ya qedexeya danî ser van deran.
Qeymeqamî ji Şaredariya Dêrikê re roja 20'ê vê mehê nameyeke şand û got ku "ji ber tîpên ne tirkî hatine bikaranîn" ev nav nakirin bên bikaranîn.

Wekîlê Şaredar Dogan Ozbahçecî li ser van qedexeyan wisa got: "70 sal berê nêzîktêdayîna li hemberî ziman û çanda kurdî çi bû, îro jî wisa ye. Ev nêzîktêdayîn asîmîlasyon û înkar e. Reşîdê Kurd û Qedrîcan ku jiyana xwe li ser rêya ziman û wêjeya kurdî derbas kiriye, ji ber vê nêzîktêdayînê 70 sal berê welat terk kirin. Ger li vî welatî em nikaribin navên rewşenbîrên xwe bidin jiyandin, tu wateya jiyana me jî namîne. Em wekî neviyên Qedrîcan û Reşîdê Kurd emê her gav xwedî li mîrateya ku wan li dû xwe hiştiye derkevin."

Belê, di sala 2012'yan de, di dema ku endamên hikumeta Tirkiyeyê qala serbestbûna kurdî dikin de li Dêrikê rewş wisa ye.
 

***

REKLAM

Ji bo têkiliyê:
www.kovaradiwar.com
peywendi@kovaradiwar.com
Dîwar
Friedhofstr. 19
64401 Gross-Bieberau
Germany

Ji bo nûçeyê LOGO'yê bitikînin