Diyarname
32’yemîn Festîvala Fîlman a Navneteweyî ya Stenbolê bi bernameyeke dewlemend tê. Di festîvala ku li dor 220 fîlm lê hene de hin fîlmên derhênerên kurd jî hene.

Li Tirkiyeyê Festîvala Fîlman a Stenbolê yek ji festîvala herî mezin e. Her sal li dor 150 hezar kes beşdarî festîvalê dibe û li fîlman temaşe dike. Îsal festîval roja 30’ê adarê dest pê dike û heta 14’ê avrêlê li dar e.

Ji bo eşkerekirina bernameya festîvalê li Marti Hotelê daxuyaniyeke çapemeniyê hat eli dar xistin. Midûrê Giştî yê ÎKSV’ê Gorgun Taner, Midûrê Giştî Akbankê ku sponsora festîvalê ye Hakan Binbaşgil û Dîrektora Festîvalê Azize Tan beşdarî daxuyanî bûn û axivîn.

Di festîvalê de heta niha di warê Fîlmên Navneteweyî, Fîlmên Neteweyî û fîlmên mafên mirovan FACE de pêşbazî dihat lidar xistin, Dîrektora Fîlm Azîz Tan got ku îsal beşeke din li beşa pêşbaziyan kiriye ew jî “Xelata Fîlmê Yekemîn yê Herî Serketî ya Seyfî Toraman” ye. Tan wisa got: “Eleqeyeke girîng a Seyfî Toraman û Festîvala Stenbolê heye. Wî bi fîlmê xwe yê yekemîn ‘Tatil Kitabi’ di festîvalê de Xelata Fîlmê Herî Serketî girtibû. Fîlmê ‘Tepenin Ardi’ ku sazkariya wî kiribû jî li festîvalê heman xelat girtibû. Ji bo vê xelatê emê ji fîlmê yekemîn ên derheneran yê herî serketî hilbijêrin û 30 hezar TL xelatê bidin. Ji bo 5 salan ev xelat Cem Yilmaz Fikir Sanatê ev bar girtiye ser milê xwe, em sipasiya Cem Yilmaz jî dikin.”
Di nav juriya vê beşê de derhêner Emin Alpen, lîstikvan Saadet Aksoy û ji Almanyayê rexnegirê sînemayê  Rudiger Suchsland heye.

Di bin 20 beşan de li dor 220 fîlm têne nîşandayîn. Îsal beşa “Kadin Halleri” (Rewşên Jinan) beşeke li beşên festîvalê kirine ku di vê beşê de fîlmên ku serlîstikvaniya wan jin dikin têne nîşandayîn.

Festîval êvara 29’ê adarê bi merasimeke vekirinê dê dest pê bike û 14’ê avrêlê jî bi merasima xelatdayînê bi dawî ibbe. Di vekirinê de fîlmê Pedro Almodovar ê bi navê “I’m So Excited / Ezê aqil winda bikim” û di girtina festîvalê de jî fîlmê ku di pêşbaziya navneteweyî de Xelata Laleya Zêrîn bigire dê bê nîşandayîn.

Festîval ku her sal xelatên rûmetê dide îsal Xelatên Rûmetê yê Sînemayê dide lîstikva Lale Belkis, derhênerê dîmenê Aytekin Çakmakçi, lîstikvan Ahmet Mekin û senarîst Ayşe Şasa.

Xelata Serketina di Hemû Jiyanê de jî îsal dide derhêner Costa-Gavras. Gavras roja 7’ê avrêlê (saet 13.30) li Sînemaya Atlasê berî nîşandayîna fîlmê “Kapîtal” dê bigire. Costa-Gavras bi fîlmê “Winda”, “Z” û “Bihuşt bi Rojavaye” navdar bûbû.

Fîlmên derhênerên kurd ên wekî “Mavî Rîng” (Omer Leventoglu), “Was” (Caner Canerik), “Bûka Baranê (Dilek Goçkin) jî di festîvalê de cih girtine.

Di beşa Belgefîlman a NTV de gelek belgefîlmên navdar hene. “Bir Şarkinini Peşindi” (Li dû straneke, derhêner Malik Bendjelloul) ku xelata Oscarê girtibû, “Bekçiler” (Nobedar, derhêner Dror Moreh) ku berendamê  Oscarê bû jî hene.

Îsal li Beyoglu li salonên Atlas, Beyoglu û Muzeya Perayê, li Nîşataşi li Salona City, li Ortakoy li salona Ferîkoy û li Kadikoy jî li salona Reksê fîlm di seansên 11.00, 13.30, 16.00, 19.00, 21.30 têne nîşandayîn. Seansa Şeydatiya Şevê jî rojên în û şemiyê set 24.00’an de li dar dikeve. Buhaya fîlman nava hefteyê, seansên nava rojê de (11, 13.30 û 16.00) bi 5 TL,  saet û rojên din buhaya enzan 10 Tl, tam 15 TL ye. Bilêtên fîlmên festîvalê piştî 16’ê vê mehê dest bi firotina wan tê kirin.

***

Nûçeyên eleqedar:

- Di afîşê de îmzeya navdaran

- Serokê Juriya Laleya Zêrîn diyar bû