Diyarname

Li Serêkaniyê ya Rihayê, polîsan avêt ser Parka 3 Fîdan û bi TOMA'yan konên nobedariya ji bo piştgiriya Rojava hilweşandin. Hevseroka KCD'ê Aysel Tugluk li wir axivî: "Ev polîs, polîsên kê ne, ji bo kê xizmetê dikin, me fêm nekir."

Vê serê sibê bi sedan polîs ligel TOMA'yan Parka 3 Fîdan dorpêç kirin. Paşê TOMA'yan konên nobedariyê yên ji bo piştgiriya Rojava xira kirin.

Piştî vê Hevseroka KCD'ê Aysel Tugluk axivî û got: "Ji ber drama li Binxetê em îro hatine vir. Ji bo em xwe bigihînin gelê xwe em hatine. Lê em rastî êrîşa polîsan tên. Ev polîs bi ku ve girêdayî ne, xizmetê ji bo kê dikin, me fêm nekir."

Ligel rakirina konan jî mebûsên BDP'ê Aysel Tugluk, Nursel Aydogan, Îbrahîm Bînîcî, Husamettîn Zenderlîoglû, hunermend Ferhat Tunç li parkê bi rayedarên polîsan re hevdîtin dom kirin.

(Dema ev nûçe hat weşandin hê agahiyeke nû di vî warî de tune bû, careke din dê destûrê bidin konan yan na)

***

Nûçeyên eleqedar:

- Vê sibê: Polîsan êrîşî konên nobedê kir  

- Notên ji Meşa Serêkaniyê 

- Bernameya meşa Serêkaniyê ya ji bo Rojava