Amed
Ji bo Şêx Seîd û hevalên wî li cihê ku hatibû îdamkirin bi daxuyaniyeke çapemeniyê hat bibîranîn.

Komîteya Bîranîna Têkoşer û Pêşengên Tevgera 1925'an a Kurdistanê ji bo Şêx Seîd, Halît Begê Cibrî û rêhevalên wan li cihê ku lê hatine îdamkirin, daxuyaniyek dan çapemeniyê. Kom li ber Ulu Camiyê ku Şêx Seîd û hevalên wî lê hatibû îdam kirin, hatin cem hev, pankarta, "Em serok û têkoşerên Kurdistanê ji bîr nakin" vekir.
Li ser navê komê Sekreterê Giştî yê Tevkurdê Îbrahîm Guçlu daxuyaniyanî xwend û wiha got: "Tevgera 1925'an a Kurdistanê ji bo gelê kurd xwedî mîrasek mezin e. Tevgera neteweyî ya 1925'an a Kurdistanê di destpêka sedsala 20'emîn de ji bo kurdan pêşveçûnek siyasî û civakî ya girîng e. Tevgera 1925'an li hemberî înkarkirina gelê kurd, serhildanek bi bername û civakî ye. Li dijî xespkirina mafên demokratîk û mirovîn ên kurdan derketiye. Tevgerek bi rêxistin û armanc bûye. Lê li hemberî daxwazên gelê kurd ên mirovîn Tirkiyeyê her tim bi awayek xwîn, kuştin û hovane bersiv daye. Di encama hovîtiya hatiye bikar anîn de wê demê 700 gund, 9 hezar mal hatine wêrankirin. 7 hezar 500 kes hatin girtîgehkirin, 660 kes hatin îdam kirin, 80 hezar kurd hatin kuştin û 50 hezar kurd hatine koçber kirin."

Ji DÎHA'yê hatiye girtin