Diyarname

Ji Encumena Birêvebirî ya Saziya NÛDEM Ya Ragihandinê daxuyaniyeke weşandin û bi vê yekê diyar kirin ku ji ber heqê wan nehatiye dayîn û ji ber sedemên din xebata xwe radiwestînin.

Em bêyî destê xwe bidin vê daxuyaniya wan diweşînin:

"Daxuyaniyek Ji Encumena Birêvebirî ya Saziya NÛDEM Ya Ragihandinê

Bi sedema kiryarên neberpirs ji aliyê serokê encumena birêvebiriyê di saziya Nûdem ya ragihadinê de birêz Mesûd Hamid li hemberî karmendên saziyê, û bêşêwirtiya encumena birêvebiriyê di stendina biryarine ku nediketin warê berjewendiya saziyê de, her wiha biryara wî bi rawestandina çapa rojnameya saziyê ya bi navê NÛDEM bê sedemin berbiçav û diyar, û nedana tu pereyan (RATIB) ji tu endaman re ku ev serê sal û du mehan kar dikin, û ji ber gendeliya birevebirî û diravî ku ketiye laşê saziyê de, em endamên saziya Nûdem ji guhdarên rewşa ragihandinî, siyasî, û rewşenbîrî radigihînin ku me karê xwe di bin siya vê saziyê de radiwestînin. Em tu car nahêlin ku bazirganî bi pênûs û nerînên me bi erzanî bibe.

Em wekî ragihêner li Rojava  dimînin, ta ku em karibin bûyeran bi rastî, zelalî, serbest, û bêlayen ragihînin. Em ê hewl bidin ku pencereyek ragihandinê serbixwe hebe, cihê baweriya we be.

Yên ku li ser vê daxuyaniyê emze kirine:

1 – Qadir Egîd – Serokê Desteya Sernivîsê. Cîgirê birêvebirê giştî

2 – Ehmed Bavê Alan – Endamê Encumena Birevbiriyê, Berpirsê Beşê Kurdî.

3- Cima Xizêm - Endamê Encumena Birevbiriyê, Birêvebirê Nivîsgeha Amûdê.

4- Ekrem Hisên – şêwermendê Siyasî.

5- Evîn Leylê - Endamê Encumena Birevbiriyê, Nivîsgeha Peywendiyên Giştî.

6- Isa Mîranî - Endamê Encumena Birevbiriyê, Nivîsgeha Peywendiyên Giştî.

7 – Ciwan Teter - Endamê Encumena Birevbiriyê, Berpirsê Beşê Rewşenbîrî.

8- Kewser Reşîd - Endamê Encumena Birevbiriyê, birêvebira karê Diravî.

9 – Hozan Ereb – Nûçegihan.

10 – Azad Nebî – Nûçegihan, Wergêr.

11 – Sîmav Hesen – Nûçegihan.

12 - Yasir Hacî – Teknîkî.

13 – Mariya Ebbas – Rapor."