Diyarname

Îro li Komara Xweser a Kirimê referandûm hebû. Kirimiyan serê sibê ji bo bersiva "Dixwazin bi Rusyayê re bibin yek", yan jî "wekî herêmek xweser ya Ukraynayê bimînin" çûn referandûmê. Referandûm li gor saeta Tirkiyeyê di 18.00'an de bi dawî bû û jimartina dengan jî li dor saet 20.00'an de temam bû. Li gor agahiyên ne fermî sedî 80 kes beşdarî referandûmê bûne û ji van 93 kesî biryara "Daxwaza beşdariya Rusyayê" erê kiriye.

Ev demek e li Ukraynayê xirecer heye. Ev xirecir her çiqas meseleya desthilatdarî ya Ukraynayê be jî aliyekê de Yekîtiya Ewropayê, DYA û welatên rojava, aliyê din de jî Rusya heye. Her yek dixwe li gor xwe şikil bide wê derê.

Heta niha Kirim li gor Zagona Bingehîn a Kirimê ya ku sala 1992'yan de çêkiribû, Kirim wekî parçeyeke xweser girêdayî Ukraynayê bû.

Li Kirimê mîlyonek û 200 hezar hilbijêr hebûn. Ji 23 welatan 135 çavdêr ji bo referandûmê li Kirimê bûn. Tê gotin ku Tatarên Kirimê referandûm boykot kirin.

Nêzîkbûna Tirkiyeyê

Tirkiyeyê berê de ragihandibû ku ger Komara Xweser a Kirimê biryara girêdana bi Rusyayê re bigire, dê vê referandûmê qebûl neke.