Diyarname

Teatra Sî bi lîstika xwe ya bi navê "Êşa Zimanekî" derdikeve tûrneya Ewropayê. Lîstik wê pêşî here paytexta Danîmarka Kopenhag û paşê jî wê li Berlînê bê lîstin.

Ji bo tûrneya Ewropayê "Genç İnisiyatif û Danimarka Kurt İnisiyatifi" xebatka organîzeya lîstikê girtine ser milên xwe.

Lîstika Teatra Sî "Êşa Zimanekî ji  çîroka Hesenê Metê ya bi navê “Epîlog” hatiye girtin û bi derhêneriya Baran Demir derketiye ser dikê. Di lîstikê de  Veysel Bakir, Yusuf Çakmak û Baran Demir dilîzin. Mijara lîstikê, hebûn û tunebûna lîteratura kurdî, Mîr Celadet Alî Bedirxan û Ehmedê Xanî, hêmayên xwendin û nivîsandina kurdî ye. Di destpêka lîstikê de “Sadûn”

li penaberiyê dibe mêvanê birayê xwe û jê dixwaze ku “pirtûkên qelew” binivîse,

da ku bi xwe re bibe welat. Sadûn naxwaze destvala vegere. Li ber Darîn digere,

hêviya malbat û eşîrê radigihînê û daxwaza pirtûkan jê dike. Darîn, êdî neçar

dimîne û dest bi nivîsandinê dike. Ji bo nivîskarî û xwendina kurdî pêdivî bi

çi hebe dixwaze pêk bîne… Darîn biryara xwe dide û êdî dev ji nivîskariyê

berdide! Di dawiya lîstikê de, xweziya Darîn ji nivîskar ev e: “Divê ev gotinên

min bi zimanê malê (kurdî) bimînin, her û her” 

Bernameya tûrneya Ewropayê:

26.04.2014, Saet 19.00

Cih: Kulturhuset Indre By, Charlotte Ammundsens Plads 3, Kopenhag

30.04.2014,

Cih: Sehneya “Tiyatrom”, Alte Jakobstr. 12 10969 Berlîn

Teatra Sî di sala 2013'yan de hatibû avakirin û par lîstika "Hirç û xwegînî"* ji çîrokên Anton Çexov girtibû derxistibû ser dikê.

*

Nûçeya eleqedar:

- 'Hirç û Xwezgînî' derdikeve ser dikê