Diyarname
Heyeta ku ji HDP û KCD'ê pêk dihat di roja yekemîn a Cejna Qurbanê de çû Kobanî, cejna wan pîroz kir û piştî civîneke vegeriya.

Ev roja 20'an de çeteyên DAIŞ'ê êrîşê Kobanî dikin û Kobanî ber xwe dide. Heyeta ku ji Hevseroka HDP'ê Fîgen Yuksekdag, parlementerên HDP'ê Ertugrul Kurkçu, Îbrahîm Ayhan, Îbrahîm Bînîcî, Faysal Sariyildiz, Kemal Aktaş, Sebahat Tuncel, Hevşaredara Bajarê Mezin a Amedê Gultan Kişanak û Endamê Meclisa Daîmî yê KCD'ê Seydî Firat pêk dihat çû serdana Kantona Kobanê ya rojavayê Kurdistanê.Heyet ji aliyê Hevseroka PYD'ê Asya Ebdullah, Serokwezîrê Kantona Kobanê Enwer Muslîm û rêveberên hikumetê ve li Deriyê Sînor ê Murşîtpinarê hat pêşwazîkirin. Hevseroka HDP'ê Fîgen Yuksekdag derbarê serdanê de daxuyaniyek kurt da û diyar kir ku dilê hemû gelan li Kobanê ye û wiha dom kir: "20 roj in 20 caran gotin 'Kobanê ket', lê heya îro ev berxwedana dîrokî berdewam kir. Vê berxwedanê baweriya li hemberî Kobanî û Rojava zêde kir."
Yuksekdag, ragihand ku divê hem qada dîplomatîk û hem jî qada berxwedanê bê mezinkirin û diyar kir ku dê çalakiyên li sînor berdewam bikin. Yuksekdag, da zanîn ku çalakî dê hêj qelebalix û girseyî pêk bê û wiha axivî: "Bila şervanên li vir ji me piştrast bin."

Serokwezîrê Kantona Kobanê Enwer Muslîm jî diyar kir ku şer û berxwendan berdewam dike. Muslîm, diyar kir ku hewil didin modela li Rojava û şoreşê bi fetisînin û wiha got: "Lê bi ser nakevin. Îro gelê Kobanî di mizgeftan de nimêj kirin. Em in xwediyê vir, li ser axa me cihê dagirkeran tune ye."

Heyet piştî ku cejna gel pîroz kir, dest bi civîneke ku çepemenî negirtin nav xwe li dar xistin. Piştî hevdîtinan heyek piştî nîvro ji Kobanî vegeriya.

Piştî vegerê Mebûs Tuncel li ser serdana wan axivî. Tuncel got ku şervanên YPG û YPJ silav ji bo gelê di berxwedanê de şandiye û got ku ev du roj in pevçûnên giran li dar dikevin. Tuncel got ku şervanên YPG û YPJ'ê êrîşa li hemberî Kobanî têk birine lê hê jî talûke derbas nebûye. Tuncel qala bombekirna hêzên navnetewî ya mewziyên DAIŞ'ê jî kir û got: "Rayedarên li wir gotin 'Di dema xwe de bombebaran bihata kirin dê DAIŞ nekariba ew qas nêzî bajêr biba.' Wan got ku em bi hêz xwe bawer in û gotin ku wan êrîş şikandiye."

Mebûsa HDP'ê Sebahat Tuncel di dawiyê de wisa got: "Rêya aştiyê ya Tirkiyeyê ji Kobanî derbas dibe. Em bang li hemû hêzên navneteweyî, hêzên demokratîk ên Tirkiyeyê û hikumeta Tirkiyeyê dikin ku piştgirî bidin vê têkoşînê."

Heyet piştî daxuyaniyê çû serdana kobaniyên ku koçî Pirsûsê kirine.

Di vê navberê de li Pirsûsê gel bi zincîreyeka ji mirovan pêk hatî ku li ser sînor çêkir silav li Kobanî kir.

YPG'ê jî li ser bîlançoyan got ku ji bilî daxuyaniyên me yên fermî guh nedin xeberên ku derdorên cur bi cur diweşînin.