KOBANÎ

Li Kobanî rêveberên Kantonê û fermandarên pêşmergeyan di civîna çapemeniyê ya hevpar de peyama yekîtiya neteweyî dan. Wezîrê Parastina Cewherî ya Kantona Kobanê Îsmet Şêx Hesen diyar kir ku îro ji bo damezirandina artêşa neteweyî rojeke dîrokî ye û fermandarê pêşmergeyan Ehmed Gerdî jî nirxandina. "Ji ber ku em li vir in û bi we re em ê mil bi mil şer bikin pir kêfxweş in" kir.

Di roja 47'emîn de pêşmergeyên ku hatin Kobanî, fermandarên pêşmergeyan û rêveberên Kantona Kobanê civîna çapemeniyê ya hevpar li dar xistin. Wezîrê Parastina Cewherî ya Kantona Kobanî Îsmet Şêx Hesen, Endamê Dîwana Lijneya Rêveberiyê ya TEV-DEM'ê Ehmed Şêxo û li ser navê koma pêşmergeyan a 150 kesan pêk tê jî fermandarên pêşmergeyan Eqîd Tofiq, Ehmed Gerdî, Amil Deham û gelek pêşmerge û YPG'yî beşdarî civîna çapemeniyê bûn.

‘ÎRO ROJEKE DÎROKÎ YE’

Wezîrê Parastina Cewherî ya Kantona Kobanê İsmet Şêx Hesen di daxuyaniya ku li qada vekirî hate kirin de axivî û got ku pêşmergeyên ku hatine pîroz kirine û got ku ev roj rojekî dîrokî ye. Hesen wîha axivî: "Di destpêkê de ez ji hemû pêşmergeyên ku ji başûrê Kurdistanê hatine re xêrhatinê dixwazim. Hatina we hemû gelê kurd şad û bextewar kir. Îro rojeke dîrokî ye. Em dibêjin ku ev gav li gelê kurd, Serok Apo, Birêz Barzanî û Mam Celal pîroz be. Cara yekemîn e ku gelê Rojava û Başûr, li Rojava tên cem hev. Înşallah em ê ji bo gelên Kurdistanê fermandariyek neteweyî jî ava bikin."

'JI BO KU EM MIL DIDIN HEV Û ŞER DIKIN SERFIRAZ IN'

Piştî Şêx Hesen ji fermandarên pêşmergeyan Ehmed Gerdî jî, got ku ew û YPG mil didin hev û şer dikin û wiha dom kir: "Me jî silavên gelê başûrê Kurdistanê û Serokê Başûr Mesûd Barzanî ji we re anîn. Silavê xwe ji we hemûyan re şandiye. Em li ser biryara Parlamentoya Başûrê Kurdistanê hatin vir. Bê tu cudahî em amede ne ku hemû deverên Kurdistanê biparêzin. Ji ber ku em li vir in û bi we re mil didin hev û şer dikin pir kêfxweş û serfiraz in. Em ê axa Kobanî ya pîroz bi hev re biparêzin."

JI BO YEKÎTIYA NETEWEYÎ GAVEKE GIRÎNG E

Endamê Dîwana Lijneya Rêveber a TEV-DEM'ê yê Kobanî Ehmed Şêxo jî diyar kir ku hatina pêşmergeyan a Kobanî ji bo yekîtiya neteweyî gavek gelek girîng e û wiha got: "Ev gav ji bo yekîtiya neteweyî û pêşeroja me gelek girîng e. Ji ber hatinê em we pîroz dikin. Îro li ser axa Kobanî ji bo yekîtiyê gaveke gelek girîng hate avêtin. Li ser axa Kobanî li çar parçeyên Kurdistanê xwîna mirovên me hatin rijandin." 

Şêxo, anî ziman ku divê êdî ji bo yekîtiyê rûpelek nû bê vekirin û wiha axivî: "Ev yekîtiya me bi xwînê pêk hat. Bingeha yekîtiya bi xwînê tê çêkirin gelek saxlem e û tu caran nayê hilweşandin."

'EM AMADE NE KU XWÎNA XWE Û CANÊ XWE JI BO KOBANÎ BIDIN'

Piştî civînê fermandarên pêşmergeyan têkildarî hatina Kobanî ji bo DÎHA'yê axivîn.Fermandarê giştî yê pêşmergeyên hatin Lîwa Ebdulqahir, diyar kir ku dijminên kurdan ew anîn cem hev û wiha got: "Di serî de em wisa gelek xweşik pêşwazî kirin em spasiya  hevalên xwe dikin. Di çavê me de tu cudahiya parçeyên Kurdistanê tune ye. Îro dijminên me em anîn cem hev. Çi ji destê me bê em amade ne bikin. Em amade ne xwîn û canê xwe ji bo Kobanî bidin. Em gelê kurd yek in û dê yek bin."

Ji fermandarên pêşmergeyan Egîd Tofîq jî diyar kir ku rojeke dîrokî dijîn û Kurdistan yek e. Amil Deham jî wiha got: "Înşalah em ê bi YPG'ê re çeteyên DAIŞ'ê ji Kobanî derxin û gelê Kobanî dê vegera malên xwe."