bixwin..!
bixwin û vexwin
ta ku qirika we hilê, têêêr têr!
ta ku tell bide zikên tellêr
bixwin… bixwin
weyyyy noşîcan be her parî!
ev qetenerme
-wekî yê karxezalan-
bo keybanûya te, rêzdar
bi şerabê re xweş diçe xwar
sor sor, goştekî tik î teze:
ji termekî rexdik e her çênî
her çênî danhevî ji binê şkêran, genî
ji şkeftan, ji berqefan, ji binê dolan:
her çênî: xwîn
her çênî bi barûd
her çênî… minik minik bi menî!
bifermin ezbenî
çar term in, çar cendek…
pariyek aştî, biratî pariyek…
xayînek bû yek ji duwazdehan:
bi zadê li ber we, bi sed Mishef û Qur’an
Îsa jî hate firotin li ser mezeya b’ şerab û nan!
Têbinî: Ev helbest di Kovara W, hejmara 25’an de hatiye weşandin
.jpg)
.jpg)
