Diyarname
Kompaniya lêkolînê SAMER ku navenda wê li Amedê ye li ser bajarên kurdan anketek amade kir û encamên anketa xwe yên li ser hilbijartina giştî û hilbijartina serokomariya Tirkiyeyê eşkere kir.
Anket di navbera 1-5'ê vê mehê de li bajarên wekî Erzerom, Enteb, Riha, Semsûr, Mûş, Wan, Amed, Mêrdîn, Qers jî têde li 18 bajarên herêmê çêkiriye. Ji bo anketê bi 2100 kesî re rû bi rû hevdîtin hatiye kirin ku amadekar dibêjen sedî 95 anket bi ewle, îhtîmala şaşderketina wan sedî 2 ye.
Û vane encamên derketine:
- Vê yekşemê hilbijartin çêbe hûnê dengê xwe bidin kîjan partî:
- HDP: %39
- AKP: Sedî 37.7
- CHP: Sedî 8,4
- Yên bê biryar: Sedî 6,6
- MHP: Sedî 4,7
- Îyî Partî: Sedî 3,7
- Partiya Saadetî: Sedî 1,5
Di hilbijartina 1'ê sermaweza 2015'an de li van bajaran AKP bi sedî 36.5 bûbû yekem, HDP bi sedî 34.3 bûbû duyem. Li gor vê HDP'ê sedî 4.7 dengên xwe li van deran zêde kirine.
Li gor hilbijartina 1'ê sermawezê, sedî 82.5 hilbijêrên AKP'ê gotine ew dê dîsa deng bidin partiyan xwe,yên HDP'ê sedî 93.9 gotine ew dê dîsa deng bidin HDP'ê.
- Ji bo vê yekşemê hilbijartina serokomarî hebe hûnê dengê xwe bidin kîjjan berendamî jî ev encam derketiye:
- Selahattin Demirtaş: Sedî 39
-  Recep Tayyip Erdoğan: Sedi 38
- Muharrem Înce: sedî 9,5
- Meral Akşener: sedî %5,2
- Temel Karamollaoglu: Sedî 1,3
- Yên bê biryar: sedî5,3

Li ser kî deng dide kîjan berendamî jî derket holê ku yên xwedî hatinek bilind in deng didin Muharrem Înçe, yên hatina wan di asta navincî de ye didin Tayyip Erdogan û yên hatina wan di asta jêr de ye jî dengê xwe didin Demîrtaş.
Li gor temenê jî hat diyarkirin ku yên ciwan dengê xwe didin Demîrtaş, yên navsere didin Înce û koma extiyaran didin Erdogan.

Li ser pirsa hilbijartina serokomarî dê derbasî dora duyem bibe yan na jî sedî 53.2 gotine Na, sedî 46.8 gotine Erê.