"Ji raya giştî re

Ji sedsala 21’mîn sala dehemîn qediya û di vê sedsalê de operasyoneke hevdem li hember şaredar û siyasetmedar û berpirsên kurd ên ku bi raya gel hatine hilbijartin û diyarkirin hat lidarxistin. Em wekî rewşenbîr û nivîskarên vî gelî em bi vê operasyên diêşin û xemgîn in.

Bi vê operasyonê re azadiya zimanan, ramanan, çandan û baweriyan, bi kurtasî di demokrasiya Tirkiyeyê de birînek kur vebûye.

Ji ber vê yekê bi coş û bi hêvî em nikarin têkevin sala nû.

Hikumeta AKP’ê ku bi hêviya gelên Tirkiyeyê ve dileyize, ji bo Tirkiyeyê xapînokeke mezin e.

Îro ev tişt gelek zelal buye ku, hikûmeta AKP’ê bi “Vekirina Kurd” re, bi propagandaya demorsiyê re, gotinên wek “ew ê tiştên baş bibin” re xwestiye ku kelehê ji hundir de bidest bixe. Û bi van gotinan re xwestin ku kurdan bikin du alî û wana bînin beranberî hev.

Em baş bizanibin ku, ziyniyeta înkarkirina kurd, înakarkirina ziman û çanda wê di şert û mercên îroyin ên cîhanê de nayê qebûlkirin.

Lê, ev operasyonan ku bi destê dewlet wekî bi hev re tên meşandin nîşan dide ku, nirxên gelê Kurd naye hezmkirin û naye qebûlkirin.

Niha baş tê fêmkirin ku, vekirina weşanên bi kurdî, hin zaningehan de amadekirina beşên kurdolojî û hin tiştên din “vekirin” nîn e, ew tiştek din e; danîna ber kurdna wekî “êmê bijehr” e. Li vir kurdan wekî mirovan nabînin.

Em wekî rewşenbîr û nivîskarên endam û rêveberên Komeleya Nivîskarên Kurd; bang li hikumeta AKP’ê dikin ku bila dev ji vê politikaya kor û înkarkeriyê berde.

Û em cardin dibêjin ku, hin zihniyet hene ku li hember gelê kurd bi zanîn ev polîtîkaya AKP’ê dipejirînin, pê bawerî tînin. Yên ku xediyê vê zihniyetê ne bila bizanibin ku AKP ji wan cesaret digire û êrişî îradeya gelê kurd û demokrasiyê dike.

Em wekî Komeleya Nivîskarên Kurd li ser navê wîcdanê gelê mazlûm, li ser navê rewşenbîriya gelê mazlûm dibêjin ku her kesê ku xwedî rûmet e divê li hember vê helwesta dijber rawest e û bibêje ev neyartî li hember gelê kurd e û vê qebûl neke."