Diyarname
Tîma Şaredariya Bajarê Mezin a Amedê "Diyarbakir BB" vê hefteyê tê Stenbolê. Diyarbakir BB dê bi Îstanbulspor AŞ re bilîze û ger pûanekê bigire jî dê bibe şampiyon.

Tîma Şaredariya Bajarê Mezin a Amedê "Diyarbakir BB" di Lîga 3'yemîn de dilîze û niha bi 69 pûanan lîder e. Ji bo dawîbûna serdema maçan a sala 2012-2013'yan 4 hefte maye. Piştî Diyarbakir BB'yê Fatih Karagumruk AŞ tê ku pûanên wê 57 in. Ji aliyê hesabê matematîkî ve Diyarbakir BB vê hefteyê, yan jî ji van 4 hefteyan bikaribe pûanekê bistîne dibe şampiyon.
Lê tîma Şaredariya Amedê xwe amade dike ku vê hefteyê li Stenbolê ji İstanbul AŞ pûan bigire û bibe şampiyon. Diyarbakir BB dema bibe şampiyon sala pêşiya me dê di Lîga 2'yemîn de bilîze.

Maça vê hefteyê hakêm Ozer Ozden bi rê ve dibe. Maça İstanbul AŞ û Diyarbakir BB'yê 14'ê vê mehê saet 14.30 de li salona Bahçelievler İl Ozel Îdareyê tê lîstin.

Ji bo kesên bixwazin herin temaşe bikin navnîşan û telefonên stadê:
Navnîşan: T.PAŞA CAD. HAREKAT ORDUSU SOK. NO:11 Bahçelievler, Stenbol
Tel: 0212 5575113