Diyarname

Şîrketa Lêkolînê SONAR di hilbijartina 2011'an de û di Hilbijartina Serokomariyê de encamên rast derxistibûn di vê meha adarê de encamê anketa xwe ya nû weşand.

SONAR bi anketa "hevdîtina rû bi rû" ya çar mehan gihîştiye vê encamê. Di xebatê de bi kesên aborî û demokrafî cuda re, bi kesên temen û cinsiyet cuda re, li bajar, navçe û bajarokan bi 3 hezar kesî re hevdîtin çêkiriye. 

Li gor encamê sedî 9.5 kesên hê biryar nedane derketine holê. Bêyî ew li partiyan bêne belavkirin encam wisa ye:

AKP sedî 36.2, CHP sedî 24.5, MHP sedî 16.3, HDP sedî 9.1, Vatan Partîsî sedî 2.8 û yên din sedî 1.6.

Pişkî kesên biryar nedane li partiyan belavkirine ev encam derketiye:

AKP sedî 40, CHP sedî 27.1, MHP sedî 18, HDP sedî 10.1, Vatan Partîsî sedî 3 û yên din sedî 1.8.

Li gor vê encamê AKP 243, CHP 133, MHP 116 û HDP 58 mebûsan derdixe. Bi vê encamê AKP nikare hikumetê saz bike. Ji ber ku ji bo avakirina hikumetê pêdivî bi 276 mebûsan heye.