Amed

Amedspor ke 13 waran de pê 40 taxim û 2 hezar kaykeran xebatanê sporî keno, qerar da ke 30'ê hezîranî de kongreya xo virazo. Hemserekê Klûbe Îhsan Avci, vat ke hedefê înan no yo ke wazenê klûbêka qewetin û yê şaran awan bikerê.

Heyeta îdarekar a Amedspor semedê qewetkerdişê klûbe û plansazîya sezona newî qerar da ke 30'ê hezîranî de kongrey xo virazê.  Avci, derheqê mesela de beyanatêk da û wina vat “sezona verîn de Amedspor hinî bîyo taximê şarî. Ma semedê plansazîya sezona newî qerarê kongre dayo. Îhtîyacî şarê ma bi taximêke qewetin esto.”

Amed sporê rojey 28.10.2014'an de kongrey xo viraştebî. Enka newera kongre virazena û wazena bi ene kongre rêveberî xo xurt bikero. 

Ozdemir hame serdaney Amedsporî

Rêveberê verîn ê Fenerbahçî karsat Nihat Ozdemîr ke qeybî paştîdayîna Serokê TFF'ê Yildirim Demiroren herêm de bî, şî serdaney Klûbey Amedsporê jî. Ozdemîr bi Avci, Serokê Klûbey Yeni Diyarbakir spor İhsan Yapici ra xeberî da.

**

Nûçeya eleqedar:

- Ser xêrê: Êdî AMED Spora me heye