Diyarname

Tîma Fûtbolê ya Şaredariya Bajarê Mezin a Amedê "Diyarbakir BB" îro kongreya xwe li dar xist û navê xwe guhart kir "Amed Spor".

Kongreya Diyarbakir BB'yê ya Awarte gere 21'ê mehê li dar biketa ji bo îro hatibû paşvexistin. Di kongreya ku îro li Salona Bêrîkê ya Burhan Karadenîz a Şaredariya Bajarê Mezin a Amedê de li dar ket de ligel hilbijartina ji bo rêveberî, di rêzikname û navê klûbê de jî guherîn çêbûn.

Bi yek lîsteyê hilbijartin li dar ke û Îhsan Avci ji bo serokatiya klûbê hat hilbijartin. Navê tîmê jî guhartin û kirin Amed Spor.

Demek berê daxwaz hatibû kirin ku klûb navê xwe biguherîne. Serokê nû Îhsan Avci piştî kongreyê got: "Di vî warî de daxwaz hebûn, me ev daxwaz anîn cih. Amedspor dê bibe pêvajoyeke nû. Bi erêkirina delegeyan re vê pêvajoyê dest pê kiriye."

Ev kes ji bo rêveberiyê hatin hilbijartin:

İhsan Avci, Semra Budak, Mahmut Dag, Sinem Çiçek, Abdulvahap Saçaklidir, Yilmaz Demir, Umit Mercan, Yuksel Kaya, Mehmet Arslan, Ali Karakaş, Abdulkerim Unver, Bulut Ayana, Abdullah Sevinç, Cabbar Leygara û Sahatattin Dinç 

Ji bo rêveberiya yêdek jî ev kes hatin hilbijartin: Onder Tekin, Erdal Gungor, Şeyhmus Onal, Danyal Barçin, Adnan Zengin, Osman Fidan û Serdar Tekke

Bi navê xwe yê nû Amed Spor di 18.08.1976'an de wekî Melîkahmet Spor hav avakirin û di sala 1990'î de bû 'Diyarbakir Belediyespor', 1996'an de jî bû Diyarbakir Buyukşehir Belediye Spor. Ji niha û pêde êdî dê navê Amed Sporê bikar bîne. 

Wêkî notek: Di 24.06.2014'an de Diyarbakir BB'yê Kongreya xwe ya Awarte li dar xistibû û Îhsan Avci û Amîna Demîr ji bo hevserokatiyê hatibûn hilbijartin. Piştî 3 mehan klûbê careke din kongreyeke li dar xist.

***

 Nûçe-pêşniyar:

Kovara Kurt Tarîhî li ser Êdîziyan dosyayeke taybet amade kir