Diyarname

Li gelek bajarên kurdan qeymeqam û waliyên dewletê ku piranî alîgirê hikumeta AKP'ê ne meseleya ewlehiyê nîşan dabûn û dixwestin li hin taxan sindoq neyên danîn. Lijneyên Hilbijartinê yên van bajaran jî biryar girtibûn ku sindoq neyên danîn, ji dêvla wir sindoq li cihek dûrtir bêne danîn. Di nav ev cihên ku biryar hatibû girtin ku sindoq neyên danîn Cizîra Şirnexê, Sûra Amedê, Gimgima Mûşê, Batman û Bedlîs hebûn. Îro Lijneya Bilind a Hilbijartinê (YSK) ku biryara dawî aîdê wan e ev daxwaza lijneyên herêmî red kir. YSK'ê bi pirdengî biryar da ku barkirina sindoqan ji bo herêmeke din ne rast e û got dê her sindoq li taxa xwe bê danîn.

Di serî de Serokwezîr Ahmet Davutoglu û piraniya rêveberên AKP'ê dixwestin ku li gelek cihan sindoq neyên danîn û ji dêvla wir ve li cihek din bê danîn. Lê yek ji rêveberên AKP'ê M.Ali Şahin digot ku ev cihguhartin ne li gor zagonê ye.