Diyarname

Nûnera Bilind a Yekîtiya Ewropayê (YE) Federica Mogherini ligel Wezîrê Tirkiyeyê Çavuşoglu got: "Tekane rê aştî ye."

Wezîrê Karên Derve yê Tirkiyeyê Mevlut Çavuşoglu, Sermuzakerekar û Wezîrê YE'yê yê Tirkiyeyê Volkan Bozkir, ligel Nûnera Bilind a Yekîtiya Ewropayê (YE) Federica Mogherini û Komîserê YE'yê Johannes Hahn piştî civîna "Civîna Siyasî ya Astbilind a Tirkiye-YE'yê" civîna çapemeniyê li dar xistin.

Çavuşoglu li ser Civîna Cenevreyê dîsa dijî kurdan derket û got: "Daxwaza rêxistinên terorê wekî YPG'ê jî di nav muxalifan de cih bigire nabe çare dê zirarê bide pêvajoyê. Dibe ku hin welat vê bixwazin lê gere em bibêjin ku ev gelek bi talûke ye. Divê rêxistinên terorê ne di nav heyeta muzakereyê de bin."

Nûnera Bilind a Yekîtiya Ewropayê (YE) Federica Mogherini  jî got ku ew piştgirî didin pêvajoya aştiyê ku dîsa çêbibe û got: "Firsenda me çênebû em pirsgirêkên navxweyîn yên li başûrêrojhilatê Tirkiyeyê bigirin dest. Em wekî YE em her cure êrîşên terorîstî şermezar dikin. Em piştgirî didin pêvajoya aştiyê ku salên borî dabûn destpêkirin ku dixwazin vegerin ser wê pêvajoyê. Bi vîzyona dilpola ya rayedarên tirk ew pêvajo hatibû dest pê kirin. Bi ya me hê jî ew pêvajo ji bo aştî û îstîkrara li Tirkiyeyê tekane çareserî ye."