Diyarname

Amed spor ku niha têkoşîna bidestxistina maçên play offê dikir ji TFF (Federasyona Fûtbolê ya Tirkiyeyê) derbeyek mezin xwar. TFF'ê sê pûanên Amed sporê jêbirin.

Amed spor hefteya borî li mala xwe ligel Keçiorengucu lîst û bi 3-0 bi ser ket. Bi vê yekê pûanên xwe derxistin 41'ê û derket rêza 9'an. Di Lîga 2 û 3'yan de tîma yekemîn dibe şampiyon û raste rast derbasî lîgek jortir dibe, 4 tîmên din di play offê de dilîzin û ji wan du tîm derbasî lîgek jortir dibin. Niha 2 mefte maye lîg bi dawî bibe. Amed spor di du hefteyên dawî de dê ligel MKE Ankaragucu (di rêza 7'an de ye û pûanên wê 47) û Aydinspor 1923 (di rêza 6'an de, 47 pûanên wê hene) re bilîze. Bi serketina du hefteyên pêşiya me Amed spor îhtîmal hebû derbasî play offê bibe û hêviya xwe ya ji bo lîgek jortir bidomîne lê niha TFF'ê derbeyek mezin li Amed sporê da û pûanên wê jê birin.

Lijneya Dîsîplînê ya girêdayî TFF'ê îro ceza li hin tîman birî ku di nav wan de Amed spor jî heye. Ji bo Amed sporê got ku di maça Keçiorengucu de temaşevanan bûyer derxistine û ji bo vê 7.500 TL cezaya pereyan lê birî. "Ji ber çêrên temaşevanan" jî 8 hezar TL (ku dibêje îsal bû sê caran heman tişt dibe) ceza birî.  Cezayê herî giran ku birî jî jêbirina 3 pûanên Amed sporê ye. Ji bo vê wisah at gotin: "Ji ber temaşevanan propagandaya îdeolojîk kiriye ku îsal 3 caran hatiye dubarekirin jêbirina 3 (sê) pûanan û cezayê bi 40 hezar TL (bi yek dengî biryar hat girtin)..."

TFF'ê careke din nijadperestiya xwe nîşan da û ev ceza bû sedema "gelo naxwazin Amed spor li lîgek bilindtir hebe" hat pirsîn. Bi vê cezayê re hêviya Amed sporê ya beşdariya play off daket asta herî jêr. Dîsîplînê îsal herî zêde ceza li Amed sporê biriye.