Diyarname

Berî maçê alîgirên wan bi hev re şer kir, di maçê de lîstikvanan lîstikek xurt di asta şer de pêşkêş kirin lê kes bi ser neket: 1-1.

Di Koma B de Îngilistan û Rusya hatin hemberî hev. Berî maçê temaşevanên wan şer kirin, birîndar çêbûn, polîsan ew aş kirin. Dûre maçê dest pê kir. Di roja duyemîn a Euro 2016'an de ev maça çaremîn bû dihat lîstin lê maça herî bi heyecan bû, maça herî bilez hat lîstin, maça herî zêde pozîsyon lê hebûn bû lê encam wekî hev çêbû.

Di nîveka yekemîn de deng ji golavêjan nehat û maç bi 0-0'ê bi dawî bû. Di nîveka duyemîn he du aliyan jî zor dida xwe ji bo serketinê. Di deqîqeya 73'yan de Eric Dier wisa li gogê da qeleparêz nedît gog çû ku derê: 1-0. Lê Rusyayê dest ji maçê berneda. Heta deqîqeya dawî her du tîman jî êrîş kir, her du tîm jî ketin nava pozîsyonan lê di deqîqeya 90+2 de Rusyayê bi Glushakov bersiv da: 1-1.

Di dîrokê di Şampiyoniya Ewropayê de Îngilistan tu demê di maçên destpêkê de bi ser neketiye û ev rêze di vê tûrnûvayê de jî xira nebû.

Gallerê 3 pûan girtin

Di maça Galler û Slovakyayê de tîma serketî bû Galler. Balle ji fîrîkîkê golek mikemel avêt û îmzeya xwe li maçê da.

Di Koma B de Galler û Slovakya hatin hemberî hev. Di deqîqeya 10'an de Gareth Bale ji firîkîkê gol avêt û tîma xwe 1-0 derxist pêş. Nîveka yekemîn bi vî awayî bi dawî bû. Di nîveka duyemîn de Slovak hê xurtir bûn û hê zêdetir êrîş dikir. Encama vê di deqîqeya 61'ê de girt. Di vê deqîqeyê de Duda gol avêt û wekhevî çêbû: 1-1. Lê Gallerê dest ji maçê berneda. Di deqîqeya 81'ê de Robson Kanu li ser navê Gallerê gotina dawî got: 2-1. 

Gallerê bi vê 3 pûanên pêşî girtin.

Tenê golek bo Swîsre bes bû

Di maçên îro de Swîsre û Arnavutluk jî li Stada Bollaert ya li bajarê Lensê hatin hemberî hev. Swîsreyê bi 1-0 Arnavûtlûk têk bir û sê pûan birin.

*** 
Ji bo rûpela hemû nûçeyên li ser tûrnûvayê û rûpela taybet:

- EURO 2016: