Diyarname

Ji ber lêpîrsenek ku li Mêrsinê hatiye vekirin Dozgerê Komarê yê Enqereyê ji bo îfadeyê gazî Hevserokê HDP'ê Selahattin Demîrtaş kir. 

Piştî rakirina biryara destûrnedana mebûsan a li Meclisa Tirkiyeyû û şandina fezlekeyan ji bo dozgeran îro Dozgeriya Komarê ya Enqereyê ji bo îfadeyê gazî Demîrtaş kir.

Roja 27'ê reşemiyê Demîrtaş di kongreya rêxistina HDP'ê ya Akdenîza Mêrsînê de axivîbû û dozger ji ber vê axaftinê gazî Demîrtaş kiriye. Demîrtaş di axaftina xwe de bertek nîşanî dorgirin û xirakirina li bajarên kurdan nîşan dabû, li ser bûyerên li Cizîrê sekinîbû û dozger jî ev yek wekî "leşker û teşkîlata emniyeta dewletê biçûkxistin" nirxandibû û lêpirsîn dabû dest pê kirin.
Her wiha dozgeriya Kayserî jî ji bo îfadeyên Hevseroka HDP'ê Figen Yuksekdag bê girtin nivîs ji bo Dozgeriya Komarê ya Enqereyê şand.

Bangê Taşmedîr û Ozturk jî kirin

Her wiha ligel Demîrtaş ji bo îfadeyê dozger bangî mebûsên HDP'ê yên Agirî Dîrayet Taşdemîrn û Bedran Ozturk jî kirin. Dozgerî xwest li ser lêpirsînek li Agiriyê ew li Enqereyê îfade bidin.

Demek berî niha dozgeran gazî mebûsên HDP'ê Ahmet Yildirim, Burcu Çelîk û Ayhan Bilgen jî kiribû, lê HDP'yî neçûbîn cem dozger.

HDP'ê biryar girtibû ku dê tu mebûsek wan neçe îfadeyê nede, ger bi zor bibin jî dê îfadeyê nede û metna ku amade kirine bixwînin. Di metnê de wisa dihat gotin: "Ji we tu daxwaz û hêviyên min tune ne. Ji ber xebatên min ên siyasî tenê gelê ku ez hilbijartime dikare min bidarizîne.