Diyarname

Ajansên navneteweyî li ser êrîşa hewayî ya dewleta Tirkiyeyê ku di van êrîşên li ser Rojava de sivîl hatin kuştin nûçe çêkirin. Ajansan ew nûçe kirin manşet. Vane hin ji wan:

- DW
Weşana alman DW cih da gotinên Rêxistina Şopandina Mafên Mirovan a Sûriyeyê û wisa nivîsî: "Li gundê Ceb el Kussa a baŞûrê Cerablûsê di encama bombekirinê de 20 sivîl mirine herî hindik 50 sivîl birîndar bûne. Her wiha di encama bombekirinê de li çiftlikek jî 15 sivîlên din mirine.

- Reuters
Ajansê sernavê "35 gundî hatin kuştin" bikar anî û cih da daxuyaniya Rêxistina Şopandina Mafên Mirovan: "Balafirên şer ên dewleta Tirkiyeyê li Bakurê Sûriyeyê dan ber bombeyan. Herî hindik 20 sivîl hatin kuştin." Ajansê pêre qala meseleya wir kir.

Ajansê di heman demê de gotiye artêşa Tirk mewziyên YPG'ê dane ber bombeyan lê YPG li ser vê hê tu daxuyanî nedaye, mutefîkên kurdan jî dibêjin li herêmê mîlîsên kurd tune ne.

- France Press Ajansı (AFP);
Di bombebarana Bakurê Sûriyeypê de herî hindik 35 sivîl mirin"

- BBC
Li gor agahiyên ku hatine bi dest xistin balafirên şer ên tirk Bakurê Sûriyeyê bombe kirin û di êrîşê de 35 sivîl mirine.

- Rus RT 
Malpera Televîzyona RT a Rus jî wisa gotiye: "Artêşa Tirkiyeyê Bakurê Sûriyeyê bombebaran kiriye 35 sivîl mirin, 75 kes jî birîndar bûn.

El-Cezîre
El-Cezîre jî ragihand ku di tevgera hewayî û topbarana Tirkiyeyê de îro 20 sivîl hatin kuştin. Di nûçeyê de cih dane gotinên nûnerê Rêxistina Çavdêriya Sûriyeyê ya ji bo Mafên Mirovan ê Îngilistanê Rami Abdel Rahman: "Vê sibê di bombekirina çekên giran û avêtina topan de 20 sivîl mirin, 50 sivîl birîndar bûn."