NAVENDA NÛÇEYAN (DÎHA)

Çalakiya greva birçibûnê ya bi armanca ji Rêberê PKK'ê Abdullah Ocalan agahî bên girtin, her ku diçe belav dibe. Piştî çalakiyên grevê yên li Ewropa, Amed, Rojava niha jî li 7 zindanên Tirkiye û Kurdistanê 35 girtiyên siyasî di 15'ê rezberê de dest bi greva birçîbûnê dikin. 

Li Amedê çalakiya greva birçîbûnê ya bi daxwaza hevdîtina bi Rêberê PKK’ê Abdullah Ocalan re ji aliyê KCD, HDK, KJA, DBP û HDP’ê ve hatiye destpêkirin û siyasetmedar, hunermend, rojnameger, nivîskar, kedkar cih digirin di roja 4’emîn de didome. Di çalakiyê de Hevseroka KCD'ê Leyla Guven, Hevseroka Giştî ya DBP'ê Sabahat Tuncel, Endama Heyeta Îmraliyê û endama KJA'yê Ceylan Bagriyanik, wekilên HDP'ê, endamên KJA, hevşaredar, nivîskar, hunermend, rojnameger, jî di navde 50 kes li Amedê di roja 4'an de çalakiyê berdewam dikin.

Girtiyên zindanan jî ji bo heman armancê dest bi çalakiya grevê ya bêdem û bêdorveger dikin. 35 girtiyên siyasî li 7 girtîgehan roja 15'ê mehê dest bi çalakiyê dikin. 35 girtî bi armanca "Em li dora Ocalan çepera ewlehiyê ku kes nikaribe derbas bike ava bikin" dest bi çalakiya bêdem û bêdorveger dikin. 

Li ser navê hemû girtiyan Deniz Kaya daxuyaniyek nivîskî belav kir û çalakî ragihand.

Di daxuyaniyê de hat ku ji Girtîgeha Tîpa D a Amedê, Girtîgeha Tîpa E ya Sêrtê, Girtîgeha Jinan a Gebze, Girtîgeha Tîpa F-1 a Kandira, Girtîgeha Tîpa F a Kiriklarê, girtîgehên Sîlîvrî û Tarsusê 35 girtîyên PKK û PAJK'î wekî koma 1'emîn dest bi çalakiya greva birçîbûnê ya bêdem û bêdorveger dikin. 

**

- Vaye navên kesên ketine greva birçîbûnê

- Lîsteya kesên dê bikevin greva birçîbûnê diyar bû