Diyarname

Enstîtuya Fîlman a Brîtanyayê (BFI) arşîva xwe ji bo gel vekir. Di nav arşîvê de fîlmê "Victorian Lady In Her Boudoir” (Xanima Serdema Vîktoriya li Odeya Xwe ya Taybet e) ku wekî fîlmê erotîk ê herî kevn ê Brîtanyayê tê qebûlkirin jî heye.

Li ser vê The Guardianê nûçeyek weşand. Nûçe radigihîne ku BFI hilbijêrek bi navê "The Pleasure Principle" ji fîlman di înternetê de parve kir. Di nav vê de gelek fîlm ji sala 1896'an heta niha hatine kişandin hene. Ji serdema Vîktorya jinên bi etekên nepixandî, heta jinên li qeraxa behrê tazî; heta hevpeyvîna ligel model û stêrka serdema salên 1970'yî Fiona Richmond ku ew tazî bû ligel wê hatibû kirin... Wekî van gelek fîlm û hevpeyvînên Brîtanyayê yên erotîk di nav vê hilbijêrê de hene. Di çarçoveya vê Arşîva Neteweyî ya BFI de deh hezar fîlm hene ku hedef ew e ku heta dawiya sala 2017'an hemûyan derxin nav qada dîjîtal. Nîvê van fîlman bê pere dê bikaribin bêne temaşekirin.

Kuratorê BFI Vic Pratt armanca belavkirina fîlman wisa aniye ziman: "Ev rêwîtiya çandî û civakî ya sedsala 20'an e ku carinan mirovan şerm kiriye li ser biaxivin jî."

Ew dibêje ku nêzîktêdayîna cinsiyetê ya brîtanyayiyan ecêb e û li gor neteweyên din -mînak fransizan- tiştek ne ji rêzê ye û fîlman jî ev yek çespandiye.

Di nav arşîvê de fîlmê "Victorian Lady In Her Boudoir” (Xanima Serdema Vîktoriya li Odeya Xwe ya Taybet e) ku wekî fîlmê erotîk ê herî kevn ê Brîtanyayê tê qebûlkirin jî heye; ger mirov dîtina hinek etekê û zendek wekî erotîk bihesibînin..

Fîlm hatine pêşkêş dikin dema hatibûn kişandina piranî di klûbên taybet ên mêran de hatibûn nîşandayîn. 

Kuratorê BFI Vic Pratt gotina xwe wisa didomîne: "Gere em lêkolîna van fîlman bikin, gelek balkêş in. Gelek tiştên em derbarê xwe de jê fêm bikin hene. Di nav dîroka me ya civakî de cihek girîng dibînin. Mirov naxwazin vê qebûl bikin lê bi ya min pêdiviya me pê heye... Mirov dê bi van bibînin ku çiqas tişt guheriye û di heman demê de çiqas tişt neguheriye."

Fîlm di vê navnîşanê de ne: "The Pleasure Principle"

Vaye "Victorian Lady In Her Boudoir”: