Diyarname

Rêxistina Mafên Mirovan Amnesty International (AI) ji bo parêzer Eren Kesin kampanyayeke namerêkirinê da dest pê kirin. Ji bo kampanyayê li bîlboardan afîşên ku mijar û wêneyê Keskîn têde ne hatin daliqandin. Keskîn ku bi salan di Komeleya Mafên Mirovan (ÎHD) de rêveberî kiriye û dozên gelek tawanên siyasî biriye dadgehên Tirkiyeyê û ya Ewropayê, niha bi girtinê re rû bi rû ye. 

Ji bo metirsiya girtina wê ji holê rabe, AI kete nava tevgerê.. Saziya navnetewî ya mafê mirovan ku li seranserê cîhanê xebatê dike, bi daliqandinên plaketan li Almanyayê danasîna kampanyaya xwe dike. 

Amnetsy International bangewazî li her kesî dike ku bi rêya malpera www.briefmarathon.de nameyên ji Wezareta Dadê ya Tirkiyeyê re îmze bikin û li ser heman malperê jî bi awayekî elektronîk rêbikin. 

Parêzer Keskîn di sala 1995'an de ji ber di meqaleyeke xwe de peyva "Kurdistan" bi kar anîbû, 6 mehan ketibû di girtîgehê. Heta niha gelek dozên bi hinceta "bêrûmetkirina gelê tirk" û hincetên din derbarê wê de hatine vekirin. 

Niha jî dozeke ku ew bi metirsiya girtinê re rû bi rû bimîne li wê hatiye vekirin. Ev doz jî derbarê wê yekê de ye ku wê Gerînendiya Giştî ya Ozgur Gundem a mehên borî hatî qedexekirin kiribû.

Keskîn li Almanyayê wekî xelatgira xelata Mafê Mirovan a Aachen ku di sala 2001'ê de wergirtibû tê nasîn.