Diyarname
Hunermend Îbrahîm Tatlises li konsera Harbiyeyê digel tirkî bi kurdî jî stran got û li ser daxwazê strana "Şemamê" du caran stra.

5'emîn Konserên Harbiyeyê yên Aveayê 1'ê vê mehê bi Tarkan dest pê kir û hê didomin. Duh êvarê konsera hunermend Îbrahîm Tatlises habû.
Di konserê de hunermend Husnu Şenlendirici di stranên bi navê "Yalnızım” û “Kim çeker seni” de şirîkatî bi Tatlises re kir, reqas Dîdem ku di hemû çalakiyên Tatlises de direqise duh ew jî li ser dikê bû.
Di konsera ku 5 hezar kes hatibû temaşekirinê û tevî Tatlises stranên wî gotin de eleqeyeke mezin hebû. Tatlises digel stranên xwe yên bi tirkî yên wekî “Aramam”, “Yagmurla gelen kadın”, “Usta”, “Odam kireç tutmuyor”, “Agri Dagin eteğinde”, “Bir kulunu çok sevdim”, “Ben insan degilmiyim”, “Kurşuna gerek yok”, “Kim çeker seni”, “Leylim ley” strana bi kurdî “Rinda min” tevî beşariya temaşevanan got.
Tatlises bi strana bi kurdî "Şemamê" dawî li konsera xwe anî lê li ser daxwazê cara diduyan ev stran got. Her wiha di dema gotina "Şemamê" de koma folklorê jî bi lîstikên xwe şirîkatî kir.

Konserên Avea yên Harbiyeyê dê bi van kesan bidomin:

9 Gelawêj: MFO
10 Gelawêj: Volkan Konak
11 Gelawêj: Duman
12 Gelawêj: Sibel Can û mêvanên wê

Foto: Cemil Oguz

 ***

Nûçeyên eleqedar:

- Tarkan Harbiye hejand