Diyarname
Li Northumberland ku li bakurêrojhilatê Îngilistanê ye hilbijartina herêmî li dar ket. Di dema jimartina dengan de derket holê ku dengê du berendaman wekî hev in û berendamê dawî bi pişkeyê hat diyarkirin.

Li gor nûçeya BBC beşa tirkî di hilbjartinê de Partiya Mihafezekar 33, Partiya Lîberal 24, Serbixweyan 7 û Demokratên Lîberal 2 kursî bi dest xistin. Berendamê Partiya Mihafezekar Daniel Carr û berendamê Partiya Lîberal Lesley Rickerby di herêma dawî de ketin pêşbaziyê; deng hatin dayîn û ji bo endamê meclisê yê dawî dengên her du berendaman wekî hev derketin. Du caran deng hatin jimartin dîsa jî encam neguherî. Peywirdarên hilbijartinê biryar dan ku bi pişkekişandina du dendikên kibrîtê encam diyar bibe. Dendikek kurt, yek dirêj amade kirin, berendamê Partiya Lîberal Rickerby dendikê dirêj kişand û bi vê yekê Lîberal Demokrat bûn xwedî sê kursiyan. Bi vê yekê kursiyên Partiya Mihafezekar di 33'yan de ma û piranî neket destê wan. Di meclisê de Partiya Mihafezekar 33, partiyên din jî bi vê gihîştin 34 kursiyan.