Diyarname
Maçên duyemîn ên Play-offê îro hatin lîstin. Amed Spor ku çend roj berê di maça yekemîn de li Sêqasê ligel Sivas BLD 1-1 mabû, îro li mala xwe lîst. Di maçê de tu gol nehatin avêtin û maç 0-0 bi dawî bû. Bi gola ku Amed Sporê maça yekemîn de li mala reqîbê xwe avêtibû wekî avantaj çêbû û Amed Spor derbasî nîv fînalê bû. Yek ji tîmên ku hikumeta Tirkiyeyê piştgiriya wê dike Erzurum Spor e û ew jî ketibû play-offê. Erzurumê di maça yekemîn de Kocaeli li mala xwe bi 2-1 têk biribû, di maça duyemîn de jî bi 2-1 bi ser ket û di nîv fînalê de bû reqîbê Amed Sporê.
Maça yekemîn 12'yê mehê saet 16'an de li Erzeromê, maça duyemîn jî dê 16'ê mehê li Amedê bê lîstin. Tîmê bi ser bikeve dê derbasî fînalê bibe.
Di maçên din de Kastamonu 1966 û Gumuşhane Spor derketin nîv fînalê û bûn reqîbên hev. Serketiyê van her du tîman dê bi serketiyê maçên Amed Spor û Erzurum Sporê fînalê bilîze. Û di fînalê de kîjan tîm bi ser bikeve dê derbasî Lîga 1'emîn a Tirkiyeyê bibe.
Wekî notek: Amed Spor wekî tîmek gel dike ku li ser lingan bimîne û derbasî lîgek jortir bibe; Erzurum îsal bi hemû piştgiriya hikumetê dixwaze derbasî lîgek bilindtir bibe...