Diyarname
Desthilatdarî jî ne heta hetayê ye: Li Japonyayê îro di hilbijartinê de PDJ'yê dawî li desthilatdariya 54 salan a PDL'yê anî.

Li Japonyayê îro hilbijartina giştî li dar ket. Partiya Demokrata Lîberal (PDL) ku ev 54 sal in li desthilatdariye di ben serokwezîriya Taro Aso de kete hilbijartinê û li hemberî Partiya Demokrat a Japon (PDJ) ya di bin serokatiya Yukio Hatoyama de têk çû. Encamên fermî hê nehatine eşkerekirin lê texmîna anketên berî hilbijartinê rast derketin.
Berî hilbijartinê di anketan de derdiket holê ku dê PDJ dê ji 480 mebûsên li meclisê li dor 320 mebûsî bi dest bixe û partiya desthilatdar PDL jî dê li dor 100 mebûsî bi dest bixe.

Anket rast derketin. Televîzyona Japon Asachi piştî vebûna sindoqan encameke eşkere kir û got ku PDJ'ê 315 mebûs bi dest xistiye, PDL ku 300 mebûsê wê hebû tenê 100 mebûs bi dest xistiye. Şirîkê PDL'ê Partiya Komeito jî 23 mebûs bi dest xistine.

Bi vê encamê Patiya Demokrata Lîberal desthilatdariya xwe ya ku ji sala 1955'an ve didomîne (ji bilî 1993-94 a bi qas3i 10 mehan) winda kir.

Sedema têkçûna desthilatdariyê jî wekî zêdebûna asta betaliyê, bilindbûna asta bacan û pirsgirêkên aboriyê têne nîşandayîn.

Di vê navberê de hate gotin ku beşdariya di hilbijartinê de negihîştiye sedî 50'î.