Diyarname
1'ê vê mehê li Amedê tîma Amed Spor û Etîmesgut Belediye Spor hatibû lîstin û maç bi 2-2 bi dawi bû. Lê di maçê de lîstikvanê Etîmesgut Caner Yilmaz di deqîqeya 39 û 56'an de qerta zor dîtibû lê ligel vê yekê jî hakêm qerta sor nîşan nedabû. Li gor rêgezê di maçê de lîstikvanekî du qertên zer bigire divê hakêm qerta sor bidê û ji maçê biavêje. Ji ber ku hakêm qerta sor nîşan neda û maç wisa dom kir îhlal çêbû. Piştî vê yekê Amed Sporê ji bo betalkirina maçê serî li TFF'ê da. TFF'ê biryar da ku hakêm şaşî kiriye, divê qerta sor bida û ji ber vê yekê maç betal kir.
TRT Kurdî bi giştî maçên Amed Sporê diweşîne. Ev xetaya hakêm jî di TRT Kurdî de hatibû ferqkirin.
Di mehên pêşiya me de hefteyeke ku TFF diyar bike dê maç ji nû ve bê lîstin.

Qedexe didome
Her wiha qedexeya maçên deplasmanê ya li ser Amed Sporê didome. Her hefteya ku Amed Spor li deplasmanê dilîze nahêlin temaşevanên Amed Sporê herin piştgiriyê. Vê hefteyê (21'ê mehê saet 15.00) Amed Spor ligel Sariyerê li Stenbolê dilîze lê dîsa qedexe heye. Lijneya Ewlehiya Bajarê Stenbolê ev biryara qedexeyê da.