Diyarname
37'emîn Festîvala Fîlman a Navneteweyî ya Stenbolê bi merasima xelatdayînê bi dawî bû. Xelata Fîlmê Herî Serketî "Borç" (Derhêner Vuslat Saraçoglu) û Xelata Derhênerê Herî Serketî jî Tayfun Pirselimoglu (Yol Kenari) girt. Fîlmê kurdî "Hewno Bêreng" (Derhênerê Mehmet Ali Konar) jî Xelata Masiyonê girt.

Merasima xelatdayînê ku pêşkêşvaniya wê Yekta Kopan kir li Muzeya Rahmi M. Koç li dar ket. Derhêner, lîstikvan û gelek sînemahez lê amade bûn. Di şevê de xelat hatin belavkirin. Xelata Herî Mezin a Festîvalê di warê Pêşbaziya Neteweyî de Laleya Zêrîn d an fîlmê derhêner Vuslat Saraçoglu yê bi navê "Borç". Saraçoglu ligel xelatê 150 hezar TL jî xelat girt.
Xelata Derhênerê Herî Serketî ku beramberî 50 hezar TL ye dan derhêner Tayfun Pirselimoglu (Bi fîlmê Yol Kenari). Lîstikvanê sereke yê fîlmî Tansu Biçer jî Xelata Lîstikvanê Herî Serketî girt. Lîstikvan Demet Evgar jî bi rola xwe ya di "Sofra Sirlari" de Xelata Lîstikvana Herî Serketî girt. "Sofra Sirlari" ê derhêner Umit Unal ji bilî vê Xelata Senaryoya Herî Serketî û Vesazkirina Herî Serketî jî girt.
Xelata Taybet a Juriyê ku ji bo bîranîna Onat Kutlar tê dayîn jî bi fîlmê "Kelebekler" dan Tolga Karaçelik. Karaçelîk 50 hezar TL xelat girt.
Vane hemû xelatên ku hatin belavkirin:

Pêşbaziya Navneteweyî Laleya Zêrîn
- Fîlmê Herî Serketî: "Western" (Valeska Grisebach)
- Xelata Taybet a Juriyê: "Cocote" (Derhêner Nelson Carlo de los Santos Arias)

Pêşbaziya Neteweyî Laleya Zêrîn
- Fîlmê Herî Serketî: "Borç" (Vuslat Saraçoglu)
- Derhênerê Herî Serketî: Tayfun Pirselimoglu (Yol Kenari)
- Xelata Taybet a Juriyê ya Onat Kutlar: "Kelebekler" (Derhêner Tolga Karaçelik)
- Xelata Mansiyonê: "Hewno Bêreng" (Derhêner Mehmet Ali Konar"
- Lîstikvana Herî Serketî: Demet Evgar (Sofra Sirlari)
- Lîstikvanê Herî Serketî: Tolga Tekîn (bi rola di "Kelebekler" de), Tansu Biçer (bi rola di "Yol Kenari" de)
- Senaryoya Herî Serketî: "Sofra Sirlar" (Umit Unal)
- Derhênerê Dîmenê yê Herî Serketî: Florent Herry (fîlmê Kaçiş)
- Vesazkirina Herî Serketî: Osman Bayraktaroglu (Sofra Sirlari)
- Muzîka Herî Serketî: Canset Ozge Can (fîlmê Guvercin)

Pêşbaziya Kurtefîlman
- Kurtefîlmê Herî Serketî: "Sana Înanmiyorum Ama Yerçekimi Var" (Derhêner Umut Subaşi)
- Xelata Mansiyonê: "Dogu Yakasi" (Derhêner Harun Durmuş)

Pêşbaziya Belgefîlman:
- Belgefîlmê Herî Serketî: "Parçalar" (Derhêner Rojda Akbayir)

Ji bo Mafên Mirovan
- Xelata di sînemayê de mafên mirovan: "Frost" (Derhêner Sharunas Bartas)

Xelata Seyfi Teoman
- Xelata Fîlmê Yekem ê Seyfî Teoman: "Guvercin" (derhêner Banu Sivaci)

Xelata Fipresci
- Xelata Federasyona Rexnegirên Sînemayê ya Navneteweyî Fipresci
- Di warê navneteweyî de: "The Rider" (derhêner Chloe Zhao)
- Di warê neteweyî de: "Korfez" (Derhêner Emre Yeksan)
- Di warê kurtefîlman de: "Kotu Kiz" (Derhêner Ayce Kartal)

**

Nûçeyên Eleqedar:

- Niha dem dema Festîvala Fîlman e 

- Ji bo 30 saliya 'Arabesk' konser û nîşandayînek taybet 

- Bernameya festîvalê hat eşkerekirin: 210 fîlm hene 

- Ji bo qerta çandî nêzî 115 hezar xwendekarî serî lê da 

- Pelin Esmer bû seroka juriyê 

- Ji bo 100 saliya Bergman guldesteyek ji fîlmên wî 

- Xelatên Rûmetê yên Festîvala Stenbolê diyar bûn 

- Festîvala Stenbolê li benda fîlmên we ye