Diyarname
Ji Almanya, Spanya û Îngilistanê hin notên ji ser sporê.

Kûpaya Almanyayê Frankfurtê girt
Di Lîga Almanyayê de Bayer Munihê şampiyoniya xwe ragihandiye. Munihê bi 84 pûanan di serê lîgê de cih girt û di rêza duyemîn de Shalke 04 xwedî 63 pûanan e. Munihê di Kûpaya Almanyayê de nekarî vê serketina xwe nîşan bide. Bi ser de jî li hemberî tîmê di rêza 8'an de cih girt têk çû. Belê tîma Eintracht Frankfurt di fînala kûpayê de bi 3-1 bi ser ket û kûpa bir mala xwe. Balkêşiyeke din jî ev e: Teknîk dîrektorê Eintracht Frankgurtê Niko Kovac cara dawî wekî berpirsê tîma xwe derket sehayê û ev Kovac sala bê dê Bayer Munihê bi rê ve bibe. Yanê bi serketinê xatir ji tîma xwe xwest û derbasî tîma ku têk bir bû. Sala bê Kovac dê teknîk dîrektoriya Bayer Munihê bike.
Eintracth Frankfurt di sala 1974, 75, 81 û 88'an de çar caran Kûpaya Almanyayê bibiribû mala xwe bi vê re bû 5 caran kûpayê bi dest dixe.

Real Madrid di rêza sêyem de ye
Di Lîga Spanyayê de Barselonayê çend hefte berê şampiyoniya xwe ragihand. Maçên dawî îro dê bêne lîstin. Ji maçên duh Real Madrid li hemberî ... wekhev ma û pûanên xwe derxist 76'an. Bi vê yekê Madrîdê îsal Lîga di rêza sêyemîn de temam kir. Barselona di 90 pûanî de rêber e û Atletico madrid bi 78 pûanan di rêza duyemîn de ye. Her du jî îro dê maçên xwe bilîzin û lîgê temam bikin. Lê rêz naguhere.

Kûpaya Îngilistanê Chelsea girt
Di Kûpaya Federasyona Îngilistanê de jî fînal di navbera Manchester United (MU) û Chelsea de bû. Di maça ku li Stada Wembley a li Londonê hat lîstin de Chelsa bi 1-0 MU têk bir û kûpa bir mala xwe. Gola Chelsea di deqîqeya 22'yan de ji aliyê lîstikvanê belçîkî Eden Hazard ve hat avêtin.
Chelsea berê di salên 1970, 1997, 2000, 2007, 9, 10 û 2012'yan de kûpa biribû mala xwe û niha 8'emîn car bi ser ket.