Diyarname

AK Partî dixwaze hin xalên Zagona Bingehîn biguherîne. BDP'ê diyar kir ku ger ev şert bêne cih wê piştgirî bidinê. Vane ew şert:

- Meseleya bendava hilbijartinê, alîkariya xezîneyê, perwerdehiya bi zimanê zikmakî, azadiya rêxistinbûnê.

Hevserokê BDP'ê Selahattin Demirtaş di civîna koma meclisê ya BDP'ê de axivî. Demirtaş li ser meseleya guherîna zagona bingehîn ku di rojevê de ye wisa got: "Qeyrana heyî 85 sal in hene, bi paketeke biçûk a guherîna zagona bingehîn nabe. Em zagoneke bingehîn a sivîl û demokratîk dixwazin. Lê ger pakêteke bînin divê ew bersivê daxwazên gel bide. Em amade ne ku piştgirî bidin guherîneke ku ji bo demokrasî û azadiyan bê çêkirin. Ger ev guherin wê bersiva perwerdehiyê ya bi zimanê gelê me bide em amade ne ku nîqaş bikin. Ger meseleya bendava hilbijartinê digire dest em dikarin nîqaş bikin. Bendava hilbijartinê xeta me yên sor e. Dîsa ji bo alîkariya xezîneyê pêdivî bi guherîna zagona bingehîn nîn e, 3 partî trîlyonên dewletê di nava xwe de parve dikin. Ger alîkariya xezîneyê di paketê de nîn be neyên cem me. Em vê ne tenê ji bo xwe, ji bo partiyên din jî diwazin."