Cemil Oguz

Bernameya Festîvala Fîlman a Navneteweyî ya Stenbolê hat eşkere kirin. Di festîvalê de fîlmê Miraz Ronî "Min Dît" di beşa Pêşbaziya Neteweyî dikeve qayişkêşanê. Her wiha di beşa belgefîlman de jî gelek belgefîlmên kurdan cih digirin.

29'emîn Festîvala Fîlman a Navneteweyî ya Stenbolê ku ji aliyê ÎKSV'ê (Weqfa Çend û Hunreê ya Stenbolê) ve tê li dar xistin îsal di navbera 3-18'ê avrêlê de li dar dikeve. Li salona ÎKSV'ê bi daxuyanî û kokteyleke bernameya festîvalê hat eşkerikirin. Dîrektora Festîvalê Azize Tan pêşî Serokê wan ê berê Şakir Eczacibaşiyê ku demet berê wefat kir bibîr anî û da zanîn ku Xelata Laleya Zêrîn êdî wê bi navê Eczacibaşi bê dayîn û bi vî awayî ewê navê wî bidin jiyan din.

Tan dûre li ser pirsgirêka sînemayên li Beyogluyê sekinî ku van demên dawî bi girtinê re rû bi rû û wiha got: "Salona Alkazar hate girtin. Salona Emekê ji ber tadîladê girtiye hê jî em nizanin wê kengê vekin. Yê her festîvalên dinyayê qesreke wan heye, yê me jî bi salan qersa me ya festîvalê Salona Emekê bû. Ne diyar e niha Emer wê çi bibe. Em ji rayedaran li bendê ne ku di vî warî de me agahdar bikin. Salona Beyogluyê di nav tengasiyê de ye, Sinepop piştî festîvalê wê bê girtin. Em li Beyogluyê bêyî van salonan festîvaleke nafikirin."
Tan dûre bernameya festîvalê eşkere kir.

Di nav festîvalê de Xelata Sînemayê ya Konseya Ewropayê "FACE" jî tê dayîn. Li ser navê Konseya Ewropayê (KE) Can Fişek axivî û got: "Konseya Ewropayê ji bo mafên mirovan, demokrasî û serdestiya hiqûqê bê parastin û pêşxistin xebatê dike. Em sînemayê tenê wekî dide kenîn û girînê, wekî beşeke ku hest, fikir û ramanê parve dike difikirin nafikirin, em di heman demê de wekî amûreke ku kedê wê ji bo parastina azadî û mafên bingehîn heye dibînin. KE li ser vê yekê Xelata Sînemayê 'FACE' dide. FACE xelatê dide berhemên ku di warê mafên mirovan de baş hatine kişandin. Îsal sala çaran e vê xelatê di çarçoveya festîvalê de emê bidin."

Festîval bi piştgiriya Wezareta Çandê ya Tirkiyeyê û Şaredariya Beyogluyê li dar dikeve. Her wiha Ajansa 2010 Paytexta Çandê ya Ewropayê jî îsal piştgirî dide hemû festîvalan.

200 fîlm têne nîşandayîn

Festîval îsal şeva 2'yê Lutfu Kirdar Kongre ve Sergi Sarayi li dar bikeve wê dest wê bike. Di bin navê 22 beşan de wê li dor 200 fîlmên 243 derhênerî bêne nîşandayîn. Îsal bilêtên fîlman tam bi 10 TL, yê kêmbuha 7 TL, Galayên Akbankê jî bi 15 TL têne firotin. Wekî salên dawî îsal jî nava hefteyê di seansên 11.00, 13.30 u 16.00'an de bihaya bilêtan bi 3,50 KR'yê ye. Her wiha bilêtên fîlmên di beşa Tirkiyeyê de têne nîşandayîn jî bi 3,50 KR ne. Xwendekar berî festîvalê dikarin PasoFilm derxin û bi erzanî li fîlman temaşe bikin.

Salonên ku îsal fîlm wê têde bêne nîşandayîn jî li Beyogluyê Salona Atlas, Yeni Ruya, Beyoglu, Sinepop, Pera Muzesi, li Kadikoyê jî salono Kadikoy e. Her wiha dawiya hefteyê CityLife Cinema (City’s) ya li Nîşandaşiyê ye. Seansên fîlman jî 11.00, 13.30, 16.00, 19.00 û 21.30 ye.

Di festîvalê de her sal Xelata Rûmetê tê dayîn. Ji ber xebatên wan ên ji bo sînemayê Xelata Rûmetê dinin Kadir İnanır, Mevlut Koçak û Feyzi Tuna.

Xelata Serketina di Hemû Jiyanê de jî îsal didin lîstikvan, senarîst û derhêner Marco Bellocchio. Di beşa "Yên ku li hemberî salan qubê dixwazin" de wê fîlmên wî "Vincere/Têkbirin" bê nîşandayîn. Xelata diduyan a Serketina di Hemû Jiyanê de wê bidin Klaus Maria Brandauer ku di heman demê de Serokê Juriya Xelata Laleya Zêrîn e.

Di festîvalê de gelek beşên wekî "Sînemaya tirk", "Ji festîvalên dinyayê", "Serdema Belgefîlmên NT", "Stenbol: Ji hundur û ji derve", "Hostayên ciwan", "Antîdepresan", "Sînemaya Estonyayê", "Herêma bi mayîn", "Menûya Zarokan",

Laleya Zêrîn û Pêşbaziya Neteweyî

Di beşa Pêşbaziya Laleya Zêrîn de îsal 11 fîlm hene. Di beşa Pêşbaziya Neteweyî de jî ev 11 fîlm cih digirin: Miraz Bezar "Min dît" , Nesli Çolgeçen "Denizden Gelen", Zeki Demirkubuz "Kiskanmak",A. Taner Elhan "Aci Aşk", Yilmaz Erdogan "Neşeli Hayat", Çagan Irmak "Karanliktakiler",Atil İnaç "Buyuk Oyun",Semih Kaplanoglu "Bal", Yagmur Taylan - Durul Taylan "Vavien",Umit Unal "Ses",Onur Unlu "Beş Şehir". Di nav van fîlman de "Min dît"ê derhênerê kurd Miraz Bezar di Festîvala Fîlman a Antalyayê de jî gelek bal kişandibû ser xwe û bûbû mijara nîqaşê.