Diyarname
Saziya Îstatîstîkan a Tirkiyeyê (TUÎK) lîsteya "bajarên ku pirtûkxaneyan bikar tînîn" eşkere kir. Di lîsteyê de agahiyên balkêş hene: Herî zêde endamên pirtûkxaneyan li Amedê hene, bajarê ku herî zêde pirtûkxaneyan bikar tîne jî Konya ye.
Vane agahiyên ji lîsteyê:
- Li Tirkiyeyê 1146 pirtûkxaneyên gel hene.
- Di nav bajaran de Enqere bi 43 pirtûkxaneyan bajarê ku herî zêde pirtûkxaneyên gel lê heye di rêza yekemîn de tê. Nevşehîr û Îzmîr bi 38 pirtûkxaneyan di rêza duyemîn de ne. Dûre Stenbolê bi 36 pirtûkxaneyan, Konya jî bi 35 pirtûkxaneyan ketiye rêzê.

Amed yekemîn e
- Li nav bajaran bajarê ku herî zêde endamên pirtûkxaneyan lê heye Amed di rêza yekemîn de tê. Li Amedê 92 hezar û 349 kes endamên pirtûkxaneyan in. Piştî Amedê ÎZmîr bi 91 hezar û 118 kesî tê. Di rêza sêyemîn de Stenbolê tê ku endamên pirtûkxaneyan bi temamî 88 hezar û 178 kes in.
- Par 25 mîlyon û 91 hezar û 232 kesî ji pirtûkxaneyên gel fêde dîtiye

Konyayî zêde çûne pirtûkxaneyan
- Konya bi 2 mîlyon û 459 hezar û 197 kesî bajarê ku herî zêde fêde ji pirtûkxaneyan girtiye ye. Piştî Konyayê bajarê Stenbolê bi mîlyonek û 187 hezar û 457 kesî tê. Di rêza sêyemîn de Manîsa tê: 946 hezar û 254 e-kes.
(Foto ji Pirtûkxaneya Şaredariya Başakşehîrê hatiye girtin)

***

REKLAM:

Ji bo bilêtên balafiran hûn dikarin serî li vir bidin... 

www.bizebiletal.com