Diyarname

Fîlmê derhêner Atif Yilmaz ê bi navê "Selvi Boylum Al Yazmalim" ku li Tirkiyeyê bûye fîlmekî klasîk careke din dikeve vîzyonê.

Atif Yilmaz di sala 1977'an de fîlmê "Selvi Boylum Al Yazlami" kişandibû û serlistikvaniya fîlm Kadir İnanir û Turkan Şoray kiribû. Dema qala fîlmên Atif Yilmaz tê kirin pêşî ev fîlm, dema qala Kadir İnanir û Turkan Şoray jî tê kirin dîsa pêşî ev fîlm tê bîra mirovan. Dema qala fîlm tê kirin cih de Kadir İnanir û Turkan Şoray tê bîra temaşevanan. Fîlmê ku ji berhema nivîskar Cengiz Aytmatov hatiye girtin hê jî temaşevan bi kêf lê temaşe dikin. Fîlm niha ji aliyê teknîkî ve hat nûkirin û wê careke din bikeve vîzyonê.
Fîlmê ku di sermaweza 1978'an de ket vîzyonê niha 14'ê gulanê de careke din dikeve vîzyonê.

Derhênerê fîlm Atif Yilmaz di sala 2006'an, nivîskarê fîlm Cengiz Aytmatov di sala 2008'an de jiyana xwe ji dest da.

Fîlm dema hat nîşandayîn di 15'emîn Şahiya Fîlman a Antalyayê de xelatên Fîlmê Herî Serketî yê Duyemîn, Derhênerê Herî Serketî, Dîmena Herî Serketî girt. Di Festîvala Fîlman a Taşkentê de xelata Lîstikvana Herî Serketî (Turkan Şoray) girt. Fîlm hê jî li Tirkiyeyê di nav 10 Fîlmên Tirk ê Herî Serketî yên Her Demê de ye.

Kunye:

SELVİ BOYLUM AL YAZMALIM

Derhêner: Atif Yilmaz

Çîrok: Cengiz Aytmatov

Senaryo: Ali Ozgenturk

Derhênerê Dîmenê: Çetin Tunca

Muzîk: Cahit Berkay

Lîstikvan: Turkan Şoray, Kadir İnanir, Ahmet Mekin, Hulya Tuglu, Cengiz Sezici, Nurhan Nur, Elif İnci

Dem: 95 dq.

Cure: Dram