Diyarname

Lîstikvan Colin Farrell tê xelatkirin lê vê carê ne ji ber lîstikvanî û rola wî, vê carê ji ber helwesta wî ya li jiyanê... Weqfa Sendroma Downê ya Global îsal xelata weqfê dide Farrell ku ew jî bavê zarokekî bi nexweşiya Sendroma Angelman e.

Weqfê di daxuyaniya xwe de sedema dayîna xelateke wisa de diyar kiriye ku ku Farrel bavê zarokekî bi nexweşiya Sendroma Angelman e û ew her piştgiriya Weqfa Terapî ya Sendroma Angelman dike. Weqfê wisa dom kiriye: "Ew di gelek saziyên alîkariyê de piştgirekî çalak e. Ligel van ew berdevkê lîstikan yên Lîstikên Dinyayê yên Olîmpiyatê yên Taybet ku li Şangaya Çînê li dar dikeve ye. Ew di têkoşîna dijî berçîbûnê de Berdevkê Neteweyên Yekbûyî (NY) ye. Em serbilind in ku îsal Colin Farrell bi "Xelata Parastina Awarte ya Quinciy Jones ya 2018'an" wî xelat dikin.

Kurê Farrell ê bi navê James bi nexweşiya Sendroma Angelman ketiye. Sendroma Angelman sendroma bêpergaliya nerogenetîk e, ji ber xirabûna kromozona 15'an ku ji dayikê tê ev nexweşî dertê holê. Ev dibe sedema lipaşmayîna aqil û peşketina zarokan, ligel vê di rewşa fizîkî de jî pirsgirêk dixuyin, mînak di axaftinê de, bi nobetê ketinê de dixuye yan jî zarok her wekî ku bikene dixuye.

Colin Farrell kî ye?

Lî di sala 1976'an de li Castleknock a Dublîna Îrlandayê hatiye dinê. Bi rolên Îskenderê Mezin, dîsa bi rolên di fîlmê "Rapora Kêmareyan", "Klûbeya Telefonê" hatiye nasîn. Ligel gelek fîlman di rêzefîlman de jî rol girtiye. Di serî de li Cannesê li gelek festîvalan xelat girtiye. Ew di sala 2001'ê de zewiciye û bi navê James Padraig Farrell û Henry Tadeusz Farrell du zarokên wî hene.

Weqfa Sendroma Downê li dinyayê li ser vê nexweşiyê kar dike. Gelek piştgirên vê weqfê hene ku Farrell jî yek ji wan e. Di 20'ê kewçêra 2018'an de bi merasimek dê xelatê dibin Farrell.