Diyarname

Mebûsê HDP'ê yê Rihayê Nusrettin Maçîn li Meclisa Tirkiyeyê, di hevdîtinên li ser butçeya 2019'an a Tirkiyeyê axivî û dema peyva Kurdistan bikar anîn, mebûsên partiyên nijadperest MHP, Îyî Partî û AKP'ê dijî Maçîn derketin.

Maçîn di axaftina xwe de wisa got: "Li bajarên Kurdistanê ku ez jî mebûsê wir i ev 30 sal in bê navber pevçûn didome, ji ber vê yekê 3 hezar û 500 gund hatin valakiin û bikaranîna çêrgeh û zozanan ji bo gundan hatin qedexekirin. Ji bo ku hêza hilberînê ya vê derê bê şikenandin ev yek hatin kirin."

Li ser vê yekê mebûsên partiyên nijadperest dij derketin. Mebûsê AKP'ê yê Denîzliyê Cahit Ozman got ku peyva "Kurdistan" dijî xala 161'an a Rêziknameya Meclisê ye û ji bo vê yekê divê Maçîn bê cezakirin.

Mebûsên MHP'ê û ÎYî Partî jÎ dij derketin.

Berdevkê Koma HDP'ê Ayhan Bîlen peyva Kurdistan parast, got ku di orjînala 'Nûtûk' a Ataturk de ku bi Osmanî li Meclisê hatibû belavkirin de peyva Kurdistan hebû, dîsa di Meclisa Yekemîn de li ber navê mebûsan Kurdistan dihat nivîsandin û wisa got: "Li vê erdnîgariyê ev mirov dijin û navê erdnîgariya ku ev mirov lê dijîn heye. Birêz Erdogan jî di axaftina xwe ya komê de peyva Kurdistan bikaranî bû."

Di vê navberê de wê kêliyê Wekîlê Serokê Meclisê Mithat Sîncar ê HDP'yî danişîn bi rê ve dibir. Li ser vê nîqaşê Sîncar got ku li gor rêziknameyê bikaranîna peyva Kurdistan ne sûc e û daxwaza cezakirina Mebûsê HDP'ê Maçîn red kir.